9 حاجات بتعملها السباحة في جسمنا
قبل ما تقرأ الموضوع تخيل في الحر ده أنت بتعوم في بحر ولا حمامة سباحة ياااه على المتعة والروقان.. والسباحة غير أنها من الرياضات الممتعة فهي رياضة مفيدة جدًا.. ونصح بيها الصحابي عمر بن الخطاب وقال علموا أولادكم السباحة والرماية وركوب الخيل”
وفي الموضوع ده هنقولكم 9 حاجات بتعملها السباحة في جسمنا: حب مواقع everydayhealth و swimming و medicalnewstoday
1- تمرين الجسم بالكامل
السباحة بتشغل عضلات كتير في جسم الشخص زي الذراعين والساقين والجذع والبطن وده بيزود اللياقة البدنية ويقوي الجسم.
2- تعزيز صحة القلب والأوعية الدموية
ساعدت السباحة في خفض ضغط الدم لمرضى تصلب الشرايين وفقًا لدراسة أجريت عام 2016
وأشارت أبحاث إن السباحين بيتعرضوا لخطر أقل بنسبة 41 % للوفاة بسبب أمراض القلب والسكتة الدماغية مقارنة بغيرهم
3- تقوية الرئتين
وفقًا لأبحاث فالسباحة مفيدة لأمراض الربو أو الانسداد الرئوي المزمن لأنها بتدرب العضلات المعنية بالتنفس وبتعزز حجم الرئة وتساعد في تقنية التنفس.
4- بتساعد على تحسين الإصابات والأمراض المزمنة
السباحة بتخلي الشخص يطفو على الماء وبالتالي الجسم مش بيعمل ضغط زيادة على المفاصل.. وبالتالي فالسباحة تمرين مناسب للشخص المصاب بالتهاب المفاصل أو إلتواء الكاحل أو إصابة ملاعب.
ده غير إنها بتساعد على تقليل آلام المفاصل وتيبسها وتحسين قوة العضلات عند مرضى هشاشة العظام.
ووفقًا للدراسات اللي أجريت سنة 2012 في إسبانيا على مرضى التصلب العصبي المتعدد تتراوح أعمارهم بين 18 و 75 عامًا في برنامج سباحة مدته 20 أسبوعًا. لاحظوا انخفاض كبير في الألم عندما شارك الأشخاص المصابون
5- الحفاظ على الرشاقة
دراسة في كلية الطب بجامعة هارفارد لقت إن الشخص مننا ممكن يحرق حوالي 432 سعرة حرارية في الساعة بالسباحة مقابل حوالي 266 سعرة حرارية في المشي
ودراسة تانية نُشرت سنة 2021 في مجلة BMC Sports Science, Medicine and Rehabilitation قالت أن 16 أسبوع من السباحة أدت إلى انخفاض كبير في دهون الجسم ومؤشر كتلة الجسم.
6- تحسين المزاج وتقليل التوتر
طبعًا إحنا عارفين إن أغلب التمارين الرياضية بتعزز الحالة المزاجية.. ولكن دراسة نشرت عام 2003 في مجلة علم النفس وجدت أن جلسة واحدة من السباحة تحسن الحالة المزاجية أكثر من جلسة واحدة من الرياضات التانية
وده بيرجع لإطلاق المواد الكيميائية المرتبطة بالسعادة في الدماغ زي الإندورفين والدوبامين والسيروتونين،وبالتالي بتقلل من التوتر والقلق وتحارب الاكتئاب.
7- تعزز قوة الدماغ
في واحدة من الدراسات الصغيرة اللي نشرت في مجلة Physiological Reports ، تمكن المشاركون اللي مارسوا السباحة لمدة 20 دقيقة من معالجة المعلومات البصرية واستجابوا بشكل أسرع للاختبارات المعرفية التي أجريت قبل وبعد السباحة مباشرة
8- المساعدة على النوم
وفقًا لاستطلاع أجرته مؤسسة النوم الوطنية في أمريكا عام 2013
واللي ركز على النوم والتمارين الرياضية.. الأشخاص اللي شاركوا في تمارين رياضية زي السباحة قالوا أنهم بيناموا بشكل أفضل بنسبة 76 – 83 % مقابل جودة نوم بنسبة 56 % عند اللي مش بيمارسوا للتمارين الرياضية.
9- تنظيم نسبة السكر في الدم
وجدت إحدى الدراسات اللي أجريت سنة 2016 واللي شملت 62 امرأة غير مدربة قبل انقطاع الطمث أن السباحة ثلاث مرات في الأسبوع حسنت في التحكم في السكر وحساسية الأنسولين.
