ردود “ويجز” للدفاع عن القضية الفلسطينية على حسابه الشخصي على “X”
الأيام اللي فاتت انتشر بشكل كبير رد مغني الراب المصري “ويجز” على تويت المتحدث الرسمي باسم الجيش الإسرائيلي “أفيخاي أدرعي” واللي نشر التويت أكتر إن وائل غنيم رد عليه وهو رد على وائل غنيم بعد كده.. ولكن ماكنش أفيخاي ووائل بس هما الأشخاص الوحيدة اللي ويجز بيرد عليهم ويتكلم معاه عن القضية الفلسطينية، فهو ورد على ناس كتير بيقولوا كلام مغلوط في حق القضية سواء بالعربي أو بالإنجليزي عشان يوضح ده ليهم وللعالم.
وناس كتير ردت على ويجز وشجعته على اللي بيعمله لإنه بيستغل شهرته والحساب بتاعه بطريقة يدافع بيها عن فلسطين.. ودي كانت بعض الردود اللي دافع بيها ويجز عن فلسطين ووضح لبعض الناس في العالم حقيقة الاحتلال:
كاتب التويت بيقول “إميليا ألوني، واحدة من أصغر الرهائن اللي تم تحريرهم من غزة، عادت للحضانة. المدرسة وزمايلها الطلاب متحمسين أوي عشان يقابلوها
وكان رد ويجز عليه “في نفس الوقت، الأطفال المحررين من السجون الإسرائيلية مايقدروش يرجعوا مدارسهم مرة تانية لأن ده اللي فرضه عليهم الجيش الإسرائيلي
شخص تاني كان كتب تويت بيقول فيها “واحدة من الناجيات من مهرجان نوفا وصفت العنف المروع اللي مارسته حماس ضد المرأة وقالت: “شوفت البنت الجميلة اللي وشها زي الملايكة دي وحوال 8 أو 10 مقاتلين ضربوها واغتصبوها وكانوا بيضحكوا وواحد أطلق على رأسها النار”
فرد ويجز عليه وقاله “المصدر: خليك واثق فيا يا أخويا”
وبعدها شخص تاني عمل “كوت رتيوت لجملة ويجز وقاله “أقرا البوست للأخر هتلاقي المصدر موجود في الأخر.. تقريبا كده القراية صعبة عليك”
فرد عليه ويجز وقاله “ليه هيبقى صعب عليا يا جدو.. تعرف تقرأ دي “اسرائيل هي تنظيم ارهابي جاء من أوروبا متنكراً في زي اللجوء حتى تمكنوا من قتل السكان الأصليين كما فعل في الاستراليين والامريكيين والكنديين” جرب وأنا هساعدك لو لقيت أي مشاكل يا جدو”
وشخص كمان كتب التويت دي “على الشمال: شخص نازي بيعدم امرأة يهودية مع طفلها في إيفانهورود،سنة 1942. على اليمين: حماس بتعدم امرأة يهودية في كيبوتس ألوميم، سنة 2023. مش هيحصل تاني دلوقتي”
فويجز رد عليه وقاله “لعب دور الضحية والاستمرار في قول إن ده مش هيحصل تاني.. لكن اليهود مش في ألمانيا، ف‘زاي مش هيحصل مرة تاني لو طردوك من أوروبا ومن بولندا وألمانيا وفرنسا ودلوقتي أنتوا بتعملوا ده في الفلسطينيين
وواحد كمان كتب تويت وقال “الصهيونية مش كلمة سيئة، دي كلمة رائعة، وأنا فخور إني صهيوني”
فرد عليه وقالوا “يا سارقي الأراضي”
واحدة كمان كانت كاتبه وقالت “سقط 3 جنود إسرائيليين في معركة في غزة، إحنا مدينون لهم بالكتير، لتكن ذكراهم مباركة”
ورد عليها وقالها “قتلوا كام طفل”
شخص كمان كتبت تويت وقال “والجهلة بيقارنوا اللي بيحصل في غزة باللي حصل لليهود خلال الحرب العالمية الثانية. ده مش منطقي. مفيش معسكرات موت ولا إبادة اللي بيحصل في غزة يشبه إلى حد كبير للي حصل في ألمانيا واليابان.. للسبب نفسه.
وكان ده رد ويجز “أنت بتقارن الأراضي الصغيرة الفقيرة المحاصرة، بألمانيا النازية أنت دماغك اتغسلت كويس أوي”
وغيرهم كتير من الردود اللي قالها زي:
