قصة “لينا” صاحبة تريند “نجاح بني حمد” وبعض طرق التشافي من الصدمات

الفترة اللي فاتت السوشيال ميديا كانت بتتكلم عن قصة “لينا سلوان” البنت الأردنية اللي قررت تصور سلسلة فيديوهات بعنوان “عن العهر أتحدث نجاح بني حمد” عن زوجة والدها كنوع من أنواع التشافي.. فتعالوا نعرف إيه هي القصة بالظبط؟

“نجاح بني حمد” كانت زوجة لأبو “لينا” من وهي طفلة 

 ومن هنا بدأ رحلة تعنيف “نجاح بني حمد” لـ “لينا” بشكل لفظي وجسدي.. من تعنيف لفظي وتفرقة واضحة بينها وبين ولادها البيولوجيين وحرمانها من إنها تتعالج أو أبوها يوديها المستشفى 

ولما أبوها سفّرها أمريكا من غير علم مامتها وقطع أخبارها عنها في سن الـ 7 سنين.. “نجاح” سلطت والدها إنه يفهم عيلته إن والدة “لينا” هي اللي مش عاوزة تربي “لينا” عشان هتتجوز.. وبعد رحلة طويلة من العنف اللي اتعرضتله لينا من نجاح بكل الأشكال 

قررت “لينا” تشارك قصتها مع الناس كطريقة من طرق التشافي اللي نصحتها بيها دكتورتها النفسية

 ودي بعض طرق علاج مختلفة للتشافي من صدمات الطفولة:
لو حد مر بظروف مشابهة

1- العلاج النفسي الحسي الحركي:

بتدمج حركة جسمك في العلاج النفسي من خلال الرياضة لأنها بتحسن أعراض اضطراب ما بعد الصدمة.. وبتساعد على إفراز هرمون الإندروفين اللي بيقلل التوتر

2- العلاج المعرفي السلوكي الذي يركز على الصدمات (TF-CBT)

عبارة عن العلاج من خلال الكلام اللي بيساعد في تغيير طريقة تفكيرك وبيركز على الصدمة وبيعلمك تطور مهارات الاسترخاء وتدير سلوكياتك وقت الضغوط

3- العلاج النفسي الديناميكي

بيركز على العقل اللاواعي وتأثير الصدمة عليك وعلى علاقاتك علشان تفهم تتكيف إزاي تتعامل معاها

4- الاعتراف بالصدمة

إدراكك للصدمة واعترافك بيها هي أول خطوة للتشافي.. اسمع لمشاعر طفلك الداخلي اللي الصدمة خلقتها واكتبها وناقشها مع حد بتثق فيه سواء صديق أو دكتور نفسي 

وفي الآخر نحب نقولك عبر عن أوجاعك واحتوي نفسك وخليك صبور عليها.. صدمات الطفولة مش غلطتك لكنها مسؤوليتك إنك تعالجها