10 نصائح تعرفك ازاي تحقق أهدافك الرمضانية!

كتبت: ندى خالد

هل تعاني من تضييع وقتك خلال شهر رمضان؟

هل تعاني من انتهاء اليوم قبل ما تعمل حاجة؟

فى المقالة دي جمعنالكوا شوية نصايح تساعدكوا جدعنة مننا كده:

1-هات ورقة وقلم وحدد فیھا الحاجات اللى عاوز تعملها فى رمضان وقسمها خانات على حسب نوع كل هدف

.وأهم حاجة تجيب النوت بوك ومش أى نوت بوك لازم الرمضانية

2- بعد ما جبت النوت بوك كتبت الأهداف؟

كتبتھا خلاص؟ حلو اوى دلوقتى قسمھا خانات على حسب نوع كل ھدف ناوى تعمله وبعد ما تعمل كده ابقى قابلني لو عملتها

3-مبدئیا كدا الشغل ده مبيأكلش عيش وأنت عارف واحنا عارفين إنك مش هتمشي عليه

لو عايز فعلا تظبط يومك فى رمضان يبقى لازم تحدد أھدافك بذكاء ومن غير كلكعة لازم تحدد حاجات تكون ھتقدر تعملھا فعلا خلال الشھر،وأبدأها واحدة واحدة عشان متكسلش بعد كدا وترجع تقول أصل أنا مقدرتش أعمل حاجة!طیب ما أنت اللى مصعبھا على نفسك.

4- بعد ما عرفت أھدافك الغير خارقة للطبيعة وسهلة التحقيق دلوقتى تقدر تحط وقت لكل ھدف اختارته على حسب وقتك بس خدھا مني نصيحة احسب كویس المدة اللى أنت حاسس أنك محتاجھا وبلاش تزنق نفسك وكمان أعمل Reminder على الموبایل بمیعاد كل حاجة عشان میبقاش لیك حجة بقى!.

5- متنساش إن الوقت بیجري بسرعة فى رمضان أنا بفكرك اھو !

6-احنا عارفين إن دي حاجة صعبة بس حاول على قد ماتقدر متأجلش الحاجات ! یعني مینفعش تقول خلیھا بعد الفطار ھعملھا بعد المسلسل خلیھا بعد السحور عشان كدا الیوم ھیقولك مع السلامة أنت بقى.

7-بلاش تتقل فى الأكل! عشان تبقى خفیف كدا وتقدر تعمل أھدافك لازم تبقى واكل حاجات خفیفة وصحیة عشان تركز كدا لكن متروحش تاكل حلة المحشي وتزعل أنك كسلت ونمت بعد الفطار.

8-حاول تنام كویس عشان تبقى مصحصح كدا وقادر تكمل یومك بنشاط

9- احنا عارفين أنك عایز تعرف ايه اللي حصل وأخر الأخبار حواليك بس بلاش السوشيال میدیا فى الوقت اللى بتعمل فیه حاجة عشان ھتشتتك!

10- وبعد ما تخلص المقالة دي احنا عارفين أنك هتريحلك حبتين يا عديم الإرادة