أكتر 8 ألعاب حققوا مبيعات في التاريخ

ألعاب الفيديو هي الوسيلة الترفيهية لأجيال كتير بداية من السبعينات لحد يومنا الحالي، وكل مدى بتتطور وبتتحسن وأصبحت أقرب إلى الواقع إلى حد كبير، ولكن ده مش بيحصل كدة وخلاص لإن اللي ممكن تكون متعرفهوش إن صناعة ألعاب الفيديو بقت من أتقل الصناعات على مستوى العالم، لإن في 2020 حققت 155 مليار دولار ومن المتوقع إنها توصل لـ260 مليار دولار حسب موقع investopedia.

وبمناسبة إن النهاردة يوم الـVideo Games، هنقولكم على أفضل 8 ألعاب حققت مبيعات في التاريخ “من الأعلى إلى الأقل”.

1- لعبة “Tetris”

تم طرح اللعبة دي في يونيو 1984، وقدرت تحقق أكتر من 500 مليون نسخة.

2- لعبة “Minecraft”

تم طرح اللعبة على مختلف المنصات والأجهزة في مايو 2009 ولكن لسة بتحقق مبيعات لحد دلوقتي واللي وصلت لـ238 مليون نسخة.

3- لعبة “Grand Theft Auto V”

تعتبر GTA V هي اللعبة المفضلة عن أغلب الجيمرز المخضرمين وحتى غير المخضرمين لإن هي لعبة متميزة وفيها كل حاجة تحبها من أكشن لعالم مفتوح وفيها قصة ممتازة، اللعبة تم طرحها في سبتمبر 2013 على متخلف المنصات وحققت أكتر من 150 مليون نسخة.

4- لعبة “Wii Sports”

تم طرح اللعبة دي في نوفمبر 2006 على منصة Nintendo Wii وحققت 82 مليون نسخة.

5- لعبة “Playerunknown’s Battlegrounds”

لعبة الباتل رويال الأشهر في العالم، تم إصدارها في 2017، واتباع منها أكتر من 70 مليون نسخة وده من غير احتساب عدد مرات التحميل المجاني لنسخة الموبايل اللي تخطت الـ700 مليون.

6- لعبة “Pokémon”

الإصدار الأول ليها كان في 1996 لمنصة Game boy و Nintendo 3DS وحققت أكتر من 45 لـ47 مليون نسخة.

7- لعبة “Super Mario Bros”

اللعبة اللي ظهرت من خلالها شخصية سوبر ماريو، تم طرحها في 1985 وتوفرت لمنصة Nintendo، وقدرت تحقق أكتر من 40 مليون نسخة.

8- لعبة “Red Dead Redemption 2”

على الرغم من إنها اللعبة الأحدث في القائمة ولكنها قدرت تحقق 36 مليون نسخة حول العالم في 3 سنوات فقط وبعد إصدارها في 2018 على جميع المنصات.