بعد 8 سنين على عرضه.. معلومات ماتعرفهاش عن Peaky Blinders

يعتبر مسلسل “بيكي بلايندرز” من المسلسلات الأكتر شعبية في جميع أنحاء العالم وكمان في مصر جذب ناس كتير من اللي بيحبوا مسلسلات العصابات والآكشن، والنهارده عدى 8 سنين على عرض أولى حلقات المسلسل ولسه منتظرين الجزء السادس واللي لسه ماتحددش ميعاد عرضه هيكون امتى ولكن من المحتمل نشوفه السنة الجاية في 2022.

ولكن على ما نعرف هيتعرض امتى، قولنا نستعرض معاكم معلومات عن المسلسل ممكن ماتبقاش عارفها من موقع IMDB وموقع screenrant

1- “فين كول” اللي لعب شخصية “مايكل جراي” و”جو كول “اللي لعب شخصية “جون شيلبي” هما في الحقيقة أخوات.

2- “جيسون ستاثام” كان مرشح لدور “توماس شيلبي” قبل كيلين مورفي وكان على وشك يتم اختياره من مبتكر العمل ستيفن نايت، ولكن “مورفي” بعتله رسالة قاله: “تذكر.. أنا ممثل” والرسالة دي خليته يعيد النظر واختار كيلين مورفي.

3- “تومي فلاناجان” اللي لعب دور والد أرثر شيلبي، في الحقيقة هو أكبر من بول أندرسون “أرثر شيلبي” بـ 13 سنة بس!

4- بعيدا عن إن “توم هاردي” و”كيليان مورفي” اشتغلوا مع بعض 4 مرات، ولكن هما الاتنين ظهروا بأدوار شريرة في أفلام باتمان.

5- على الرغم من إن قصة المسلسل بتدور أحداثها في مدينة برمنجهام، ولكن متمتش تصويره بالكامل فيها، والتصوير حصل كمان في مانشستر وليفربول وبولتون ومناطق تانية.

6- الممثل “ليام نيسون”، ساعد الممثل “سام نيل”، اللي قام بدور المحقق “كامبل”، على تدريبه إنه يتكلم باللجهة الأيرلندية لدرجة إنه اتطلب منه يظبط لهجته بحيث تكون واضحة للجمهور الأمريكي من كتر ما أتقنها.

7- مبتكر المسلسل “ستيفن نايت” قال إن كتابة المسلسل كانت بتلتزم بقاعدة وهي إن أي عمل عنيف مايتعملش إلا لو كان له داعي من حيث القصة وده عشان المشاهد مايحبش العنف أو يشوفوا شيء كويس.

8- على الرغم من ظهور أبطال المسلسل وهما لابسين قبعات فيها أمواس حلاقة عشان يستخدموها في الخناقات ولكن ده ماكنش موجود في العصابة الحقيقية نظرا لإنهم يعتبروا عصابة من الطبقة الفقيرة وأمواس الحلاقة كانت غالية في الفترة دي ومش هيقدروا يتحملوا تكلفتها.

9- ظهور اللقطات اللي فيها نار بشكل متكرر في المسلسل كانت رسالة من القائمين على العمل إن “تومي شيلبي” كمجرم مصيره هينتهي في الجحيم، وأكد المخرج على ده في الجزء التاني “كولم مكارثي” وقال إن ده كان متعمد.

10- على الرغم من إن قصة شعر “تومي شيلبي” مميزة في المسلسل وممكن تعرفه من ضهره لو شوفت صورته، ولكن “كيلين مورفيط بيقول إنه مش بيحبها وبيكرهها.

Related Articles

Back to top button