بمناسبة يومه.. 5 فوائد للمشي في الهواء الطلق
بمناسبة يومه.. 5 فوائد للمشي في الهواء الطلق
بما إن النهاردة يوم المشي في الهواء الطلق، ده خلانا نتسأل هل المشي له فوائد غير الفوائد المعروفة لصحة الجسم عموما؟ الإجابة هي أه حسب موقع garciaweightloss اللي قسم الفوائد دي لنقاط:
– تحسين المزاج
ممارسة المشي بانتظام بيحسن من حالة الجهاز العصبي وبيخفض مستويات الغضب، ولو المشي كان في جنينة ومناظر طبيعية ده بيقلل من التوتر والاكتئاب، وإذا كنت مش قادر تتمشى في مكان فيه مناظر طبيعية، فا مجرد النظر لصور مناظر طبيعية وأنت بتتمشى حتى على التريدميل ده برضه بيكون مفيد وبيزود من المشاعر الإيجابية للشخص.
– مزيد من الإبداع
المشي في الهواء الطلق بيساعد على تصفية الذهن وإنك تكون مبدع أكتر من الشخص اللي قاعد على طول.
– تقليل خطر الإصابة بسرطان الرئة
المشي اليومي بيساعد على تقليل خطر الإصابة بسرطان الرئة بنسبة 30% وأعراض لأمراض تانية زي الربو أو الرئة.
– أنا مهما كبرت صغير
المشي بيساعد الجسم على انتاج كولاجين بشكل أكبر وده بيساعد على إن بشرتك تبان أصغر سنا، بالإضافة إلى إنه بيقلل خطر الإصابة بالدوالي وكمان تقوية عضلات الساق.
– زيادة مستويات فيتامين د
فيتامين د تقدر تحصل عليه من الشمس، ولذلك المشي كتير تحت أشعتها بيساعد على تجنب أمراض زي الزهايمر والقلب وسرطان البروستاتا والاكتئاب وألام الظهر والعضلات.
المشي سهل ومش محتاج معدات ولا مكان.. فا انزل اتمشى كدة الصبح وأنت رايح الشغل وخد شوية شمس حلوين!
