لعبة Hogwarts Legacy الأكثر طلبا على متجر Steam قبل إصدارها وأخبار تانية في الملخص الأسبوعي
مساء الفل على جيمرز جلوكال، ده الملخص الأسبوعي اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بلعبة Hogwarts Legacy اللي أصبحت الأكثر طلبا على متجر ستيم والأجهزة المنزلية “الكونسول” وده قبل حتى ما اللعبة تنزل بشكل رسمي يوم 10 فبراير المقبل للـ PC وأجهزة الكونسول الجيل الحالي، ونسخة الجيل القديم هتتوفر في 4 أبريل في العالم الحالي.
طبعا ده بيرجع لشعبية سلسلة هاري بوتر سواء سلسلة الروايات أو الأفلام.
واستكمالا للكلام عن اللعبة، فا في تسريب على موقع Reddit بيقول إن القصة الرئيسية للعبة هتكون 35 ساعة، ولكن مع المهام الجانبية ممكن توصل لأكتر من 70 ساعة.
الصحفي توم هندرسون المعروف بتسربياته اللي أغلبها بيكون صحيح، قال إن شركة Ubisoft شغالة دلوقتي على لعبة جديدة من سلسلة Ghost Recon ولكن من المقرر إطلاقها في عام 2025
I don’t think so. I believe it’s forecasted for 2025 or so.
— Tom Henderson (@_Tom_Henderson_) January 16, 2023
لعبة Returnal الحصرية لبلايستيشن 5، هتبقى متاحة للبي سي في 15 فبراير الجاي، حسب خبر منشور على موقع Playstation
ودي متطلبات تشغيل اللعبة
