Call of Duty على Nintendo لـ 10 سنين وأخبار تانية في الملخص الأسبوعي
مساء الفل على جيمرز جلوكال، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بخبر اتفاقية شركة Microsoft اللي هتقدم لعبة Call of duty لجهاز Nintendo لمدة 10 سنين بالإضافة لألعاب Xbox و Activision
ونفس الخناقة الدايرة بين Sony و Microsoft، فا براد سميث رئيس شركة مايكروسوفت قال إن إتفاقية سوني وأكتيفيجن عن لعبة Call of duty من المفترض إنها تنتهي العام المقبل وبناءًا على ده، مايكروسوفت قدمت عرض لسوني بيضمن إن السلسلة تفضل لمدة عشر سنين على منصات بلايستيشن
We’ve now signed a binding 10-year contract to bring Xbox games to Nintendo’s gamers. This is just part of our commitment to bring Xbox games and Activision titles like Call of Duty to more players on more platforms. pic.twitter.com/JmO0hzw1BO
— Brad Smith (@BradSmi) February 21, 2023
وعلى نفس خُطى الخناقة، لولو تشنج نائب الرئيس التنفيذي لشركة أكتيفجن نشرت ميم على تويتر بتسخر فيه موقف شركة سوني إنها رافضة إتمام الصفقة رغم إن متقدم لها عرض من مايكروسوفت بيضمن بقاء السلسلة لعشر سنين وفي نفس الوقت، سوني بتشتكي من احتمالية فقدان اللعبة على أجهزة بلايستيشن.
— Lulu Cheng Meservey (@lulumeservey) February 21, 2023
وعلى جانب آخر، شركة Ubisoft نشرت بيان قالت فيه إنها هتكون موجودة في معرض E3 وهتعلن عن تشكيلة ألعاب قوية
أما عن لعبة Battlefield 2042، فالموسم الرابع من اللعبة اللي هيتم إصداره في 28 فبراير الحالي هيحتوي على خريطة اسمها Flashpoint واللي هتكون في دولة جنوب أفريقيا بالإضافة لخبيرة اسمها “كاميلا بلاسكو” من فصيل Recon.
بالإضافة لأسلحة جديدة ومركبة ناقلة أفراد وممكن استخدامها كنقطة إنتشار متنقلة.
سوني أعلنت عن حلقة جديدة من State of Play يوم 24 فبراير الحالي وهيتم الكشف فيها عن ألعاب جديدة وهنعرف معلومات أكتر عن لعبة Suicide Squad: Kill the Justice League بالإضافة لـ 5 ألعاب لنظارات الواقع الإفتراضي
State of Play is back! Tune in Thursday at 1pm PT for:
☑️ Five new PS VR2 titles from partners
☑️ Hot indie and third-party reveals
☑️ An extended look at Suicide Squad: Kill the Justice Leaguehttps://t.co/kMPyPpMhSk pic.twitter.com/mu8RX0ZJFk— PlayStation (@PlayStation) February 21, 2023
