موضوع مايهمكش: حقايق متعرفهاش عن طلوع السلم
![](https://theglocal.com/wp-content/uploads/2023/01/Website-Thumb-4.png)
عمرك سألت نفسك لما بتطلع على السلالم.. إيه اللي بيحصل في جسمك؟
إحنا جمعنالكم شوية معلومات وحقايق عن طلوع السلم طبقا لمواقع “CityView” و “VeryWellHealth”:
1- طلوع السلم ونزوله نشاط سهل أغلب الناس ممكن تعمله، وبيساعد في أكتر من حاجة زي الحفاظ على صحة القلب والأوعية الدموية، وتقوية العضلات، لأنه بيشغل عضلات الرجلين وعضلات البطن وكمان عضلات الظهر، ده غير الدم اللي بيروح لكل أجزاء الجسم بسبب زيادة ضربات القلب.
2- الشخص اللي وزنه حوالي 73 كيلو وبيطلع السلم لمدة 3 دقايق بيخسر حوالي 30 سعرة حرارية
3- طلوع السلم بيقلل من خطر الإصابة بالسكتة الدماغية، وده وفقًا لنتائج دراسة Harvard Alumni Health Study، واللي شملت أكثر من 11000 راجل. الدراسة قالت إن النشاط البدني زي طلوع السلالم ممكن يقلل من خطر الإصابة بالسكتة الدماغية.
4- طلوع السلالم بيحسن من صحة القلب وبيقلل من خطر الإصابة بالأمراض القلبية، وكمان بيساعد في تقوية الجهاز المناعي وبالتالي التقليل من خطر الإصابة بهشاشة العظام
5- طلوع حوالي 400 درجة سلم ليهم نفس تأثير الجري لمدة 15 دقيقة
6- فيه بعض الفئات الممنوعة إنهم يطلعوا السلم باستمرار زي مرضى التهاب المفاصل ومرضى الرباط الصليبي ومرضى الخشونة ومرضى القلب.
7- تاني يوم أربع في يناير هو يوم “طلوع السلم” في أمريكا، واليوم ده معمول علشان يشجع الناس إنهم يطلعوا السلم بدل ما يركبوا الأسانسير.
حاول بقى المرة الجاية وانت راجع البيت أو رايح الشغل تطلع على السلم بدل الأسانسير، وحاول تستمر في الموضوع ده كل ما تقدر، بدل الرياضة اللي مش عارفين نعملها ولا الجيم اللي عارفين نلتزم فيه.