بعد إشاعة انفصالهم.. بلاي ليست بأشهر أغاني MTM 

جيل التسعينات وأواخر التمانينات كلهم غنوا أغنية “أمي مسافرة” وياما رقصوا عليهم، وعلى قد ما كانت أغنية مختلفة وغريبة وقتها بس علقت مع كل الناس وحفظوها وكانت بداية انتشار نوع جديد من الأغاني واللي كان فيها راب وهاوس وكلمات وألحان مختلفة.

وبعد كذا ألبوم ليهم اختفوا MTM وظهروا تاني بتعاون مع مسار إجباري في أغنية “كائن فضائي” وبعدها في 2020 عملوا ألبوم اسمه “أرجوك ما تفصلنيش”.. ولكن يوم 9 يناير 2020 نزلوا صورة على البيدج بتاعتهم على الفيسبوك وكتبوا عليها كلمة “النهاية” وناس كتير فسرت ده على إنه نهاية الباند وإنهم اعتزلوا ومحدش منهم هيعمل مزيكا تاني.

ولكن بعد ما تواصلنا مع مايكي عضو فرقة MTM قال إن تاكي هو اللي نزل البوست ده من غير ما يعرف.. وبمناسبة إننا افتكرنا MTM عملنالك بلاي ليست بأشهر أغاني MTM:

1- أمي مسافرة 

2-  مدرسة الحياة 

3- دي مناظر 

4- احسبها صح

5- طب ليه وإزاي 

6- كل ليلة 

7- زي ما أنت عايز 

8- هروب اضطراري 

9- لازم بكره يبقى أحلى 

10- تليفون بيرن 

11- أي كلام