تقييمات إيجابية لمسلسل The Last of Us واقتراب وصول Discord لـ PS وأخبار تانية في الملخص الأسبوعي

مساء الفل على جيمرز جلوكال، ده الملخص الأسبوعي اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بمسلسل The Last of Us والمقتبس عن لعبة بنفس الاسم والمنتظر عرضه في 15 يناير المقبل

المسلسل اللي من بطولة بيدرو باسكال في دور “جول” وبيلا رامزي بدور “إيلي” حصل على تقييمات عالية من بعض المواقع الفنية، زي موقع Rolling Stone اللي وصفه بإنه أفضل من مسلسل The Walking Dead

وموقع Variety اللي وصف المسلسل بالملحمي

بالإضافة لرئيس تحرير موقع Collider ستيفن وينتروب اللي قال عجبه المسلسل رغم إنه ملعبش اللعبة قبل كدة!

موقع Insider Gaming قال إنه وفقا لمصادره، هيتم تحديث نظام بلايستيشن 5 في 8 مارس 2023 وهيتضمن وصول كامل لبرنامج Discord، طبعا ده لم يُعلن بشكل رسمي ولكن نفس الموقع قال في 2022 إن ديسكورد هيكون متاح لبلايستيشن 5 في العام الحالي وفي الغالب ممكن يكون ده حقيقي.

سوني أعلنت من خلال موقع PlayStation عن قائمة الألعاب المجانية اللي هتيجي لمشتركين PS Plus وهتتوفر بداية من 17 يناير الجاري

PlayStation Plus Extra and Premium | Game Catalog

Back 4 Blood | PS4, PS5

Dragon Ball FighterZ | PS4

Devil May Cry 5: Special Edition | PS5

Life is Strange: Before the Storm | PS4

Life is Strange | PS4

Jett: The Far Shore | PS4, PS5

Just Cause 4: Reloaded | PS4

Omno | PS4

Erica | PS4

PlayStation Premium | Classics

Syphon Filter 3 | PS1

Star Wars Demolition | PS1

Hot Shots Golf 2 | PS1

خدمة Ubisoft+ هتوصل لإكسبوكس قريب، وده بعد ما البعض لاحظ وجود علامة يوبيسوفت بلس بجانب بعض ألعاب الشركة في متجر Xbox، بعدد 24 لعبة من ضمنهم Far Cry و Assassin’s Creed و Tom Clancy’s The Division وغيرهم.. فا كل دي علامات على قرب قدوم الخدمة لمتجر إكسبوكس حسب موقع trueachievements

Related Articles

Back to top button