٥ أسباب هتقنعك إن القهوة أفضل من الشاي كمشروب صباحي

أول ما بتصحي من النوم بيبقى عندك روتين قبل ما تاكل هو إنك تشرب حاجة، وأكتر مشروبين صباحيين منتشرين في العالم كله هما القهوة والشاي، وبغض النظر عن خناقة إيه أحلى أو بتحب إيه أكتر لكن على عكس ما دايما بنعتقد إن الشاي الصبح صحي أكتر من القهوة طلعت القهوة هي اللي صحية أكتر الصبح.

موقع Brightside قال في واحد من مقالاته ليه القهوة بديل صحي أكتر من الشاي على الصبح:

1- القهوة هتخليك تمارس رياضة أحسن:

لو كنت بتحب تصحي تمارس رياضة وتعمل تمارينك اليومية الصبح عشان يبقى عندك طاقة لباقي اليوم، فده معناه إن القهوة هي الاختيار المناسب ليك الصبح، وده لإن القهوة بيكون فيها كمية أكبر من الكافيين بالمقارنة مع الشاي، وبالتالي القهوة بتساعدك على زيادة أداك البدني وبتقلل من التعب اللي بيحصلك لما تمارس رياضة.

2- القهوة هتساعدك على التركيز:

لو عندك حاجة الصبح بتساهل إنك تركز فيها زي المذاكرة مثلا أو امتحان أو شغل مهم فهتكون القهوة اختيار مثالي جدا للوقت ده، عشان برضه نسبة الكافيين اللي فيها واللي بتساعدك تبقى منتبهة أكتر، وده هيخليك تنجز مهامك اللي في اليوم أسرع.

3- هتفوقك:

الشاي مشروب فيه كافيين وال-ثيانين، وده بيساعد الشخص إنه يسترخى أصلا، لإنه بيتفاعل مع مستقبلات الأدينوزين في الدماغ وبيقلل الإحساس بالتعب، وبالنظر لتركيز الكافيين في الدم بعد شرب الشاي هيظهر بعد ربع ساعة من شرب الشاي، أما القهوة بتمد الشخص بطاقة فورية.

4- بتساعد على خسارة الوزن:

هناك دراسات تشير إلى أن استهلاك القهوة مرتبط بانخفاض مستويات الدهون ، خاصة عند الرجال. أظهرت الدراسات التي أجريت على الحيوانات نفس النتيجة. تشير دراسة أخرى مثيرة للاهتمام إلى أن حمض الكلوروجينيك هو مادة فعالة لتقليل وزن الجسم ، مما يؤكد أن القهوة خيار مثير للاهتمام لأولئك منا الذين قد يبحثون عن شخصية أنحف.

5- بتقلل فرصة الإصابة بمرض السكر:

فيه دراسة قالت إن الكافيين هيقلل من فرصة الإصابة بمرض السكر، لإن 3 كوبايات بس من القهوة هتقلل من خطر الإصابة به بنسبة 42%، ودراسة تانية قالت إن القهوة اللي بتحتوي على الكافيين بتأثر على انخفاض فرصة الإصابة بالسكر من النوع التاني.

لو إنت من محبين الشاي وحاسس إنك محتار دلوقتي ممكن تضيف جزء بسيط من القهوة في يومك، أو بلاش ترهق نفسك لإن الشاي برضه له بعض الفوايد الصحية الكبيرة، بس أهم حاجة طبعا قبل ما تبدأ يومك وتشرب قهوة أو شاي تاكل أي حاجة عشان بطنك ماتتعبش، ومن الأفضل أكيد إنك تسأل دكتور تغذية وهو اللي ينصحك بالمشروبات المناسبة ليك واللي تبدأ بيها يومك.