في اليوم العالمي للربو.. اعرف إزاي تحمي نفسك منه!

النهاردة 2 مايو اليوم العالمي لمرض الربو .. وهو مرض تنفسي بييجي نتيجة إلتهاب وضيق الشعب الهوائية وبينتج عنه صعوبة شديدة في التنفس..

وتم إنشاء يوم للتوعية به من المبادرة العالمية للربو سنة 1998م لأنه بيشكل خطورة كبيرة على صحة المصابين..

وخرجت إحصائية منظمة الصحة العالمية لسنة 2019 الربو بتأكد إصابة 262 مليون شخص وتسبب في وفاة 461000 شخص.


وفقًا لموقع ويب طب.. دي أهم أعراض مرض الربو:

– ضيق تنفس

– انقباضات أو آلام في الصدر

– مشكلات في النوم بسبب ضيق التنفس

– نوبات سعال أو خشخشة أثناء التنفس خصوصًا في حالات البرد والأنفلونزا


منظمة الصحة ذكرت إن بعض الأشخاص معرضين للإصابة بمرض الربو:

– لو كان فيه تاريخ مرضي للربو في الأسرة

– الأطفال والبالغين اللي عندهم سمنة مفرضة

– الأشخاص اللي بيعانوا من أمراض الحساسية زي الأكزيما وإلتهاب الأنف



وفيه أسباب وعوامل بتأثر على مرضى الربو وبتزود الأحساس به:

– لقاح الزهور في فصل الربيع

– الدخان والهواء الملوث

– التدخين السلبي

– التوتر والقلق

– إرتجاع المرئ

-الدورة الشهرية عند بعض الإناث


وعشان تحمي نفسك من مضاعفات  الربو بتنصح منظمة الصحة العالمية:

– البعد عن الأغذية اللي بتحتوي على مواد حافظة
– البعد عن الطقس المُترب والمدخنين
– ضرورة زيارة دكتور متخصص لو استمر السعال والخشخشة
– الالتزام بالدواء المخصص أو أجهزة الاستنشاق إذا لزم الأمر

وفي النهاية بنتمنى السلامة ليكم وإنكم تحافظوا على صحتكم.

Related Articles

Back to top button