10 ترشيحات لأفلام الأبطال الرياضيين .. بينجحوا في أخر لحظة في تحقيق أحلامهم

لعاشقي الأفلام الحماسية و انتظار البطل وهو بينجح في أخر لحظة إنه يكسب منافسيه بعد ما يعلي ضغطك طول الفيلم من القلق عليه.. بنقدملكم مجموعة من الأفلام اللي هتخليك عندك أمل في اللي جاي..

1- حلم العمر
الفيلم بيحكي عن “أحمد” شاب ظروفه صعبة لكن بيحاول يبقى ملاكم كبير رغم العقبات اللي بيمر بيها.

2- العالمي
الفيلم بيحكي عن “مالك” شاب بيحب الكورة من صغره وفعلا بيوصل إنه يبقى لاعب كبير لكنه بيحصله حادثة بتغير حياته كلها.

3-النمر الأسود
الفيلم بيحكي عن “محمد”  اللي بيسافر لألمانيا بسبب ظروفه الصعبة ولكن حبه للملاكمة بيخليه يتعرف على مدرب يساعده يحقق حلمه..

Southpaw-4
بيحكي عن ملاكم كبير اسمه “بيلي هوب” لكن بيحصله حدث أليم في حياته بيخليه يتخلى عن الملاكمة فهل هيقدر يرجع تاني ولا لا؟ أكيد هيقدر أومال احنا رشحناه ليه

hustle-5

بيحكي عن “ستانلي” مكتشف المواهب اللي بيحاول يلاقي موهبة في كرة السلة جديدة عشان يقدر يرجع مدرب تاني وفعلا بيلاقي لاعب مناسب وبيحاولوا يعدوا العقبات مع بعض..

Warrior-6

الفيلم بيحكي عن” توم” ملاكم سابق بيحاول يرجع تاني للملاكمة ولكن بيقابل أخوه “برندان” الملاكم برضو وبيحصل بينهم منافسة نتيجة مشاكل قديمة بينهم

dangal-7

الفيلم بيحكي عن قصة حقيقية لـ “ماهافير بوهجات” والد الأبطال الكبار في المصارعة بابيتا وجيتا اللي بيحاول يحقق حلمه بإنه يكون مصارع من خلال تعليمهم فنون المصارعة.

Mary Kom-8

الفيلم مستوحي من قصة حقيقية للملاكمة الهندية “ماري كوم” وبيعرضلنا الصعوبات اللي اتعرضت لها لحد ما وصلت لحلمها

Chak De! India-9
الفيلم بيحكي عن”كبير خان” قائد فريق الكريكيت الهندي لكن بسبب خسارة فريقه بيتم إبعاده من اللعب وبيتجه لتمرين فريق البنات في المنتخب الهندي ويعوض خسارته..

King Richard-10
الفيلم عن قصة حقيقية عن قصة”ريتشارد ويليامز” والد البطلتين في التنس فينوس وسيرينا ويليامز وبيورينا كفاحه معاهم لحد ما بقوا أبطال كبار