12 ترشيح لأفلام ومسلسلات اللي بيحبوا أجواء القضايا والتحقيقات
للناس اللي بتعشق التفاصيل الصغيرة وطريقة الوصول ليها ونوعية الأفلام والمسلسلات اللي بيكون فيها تحقيق.. وكمان يشوفوا الصورة اللي ماحدش بيعرف يوصلها حبينا نرشح شوية أفلام ومسلسلات عن التحقيقات لو قاعد فاضي أو زهقان ممكن :تتسلى بيهم
1- True Detective
مسلسل من أقوى مسلسلات التحقيق بيدور حوالين 2 محققين وهما “رست كول” و”مارتن” اللي بيحققوا في قضية غريبة جدا وغامضة على مدار حوالي 17 سنة عشان يحاولوا يقبضوا على قاتل متسلسل غريب الأطوار
2- The Wire
عن عالم المخدرات.. أحداثه بتدور في مدينة بالتيمور والإثارة والتشويق فيه بسبب الصراع بين تجار المخدرات والعصابات مع الشرطة ومشاكل بينهم الاتنين
3- Mindhunter
في أواخر السبعينات مكتب التحقيقات الفيدرالي بيوسع نطاق العلوم الجنائية بإنه يحقق بعلم النفس ورا الدوافع اللي بتخلي القاتل يقوم بالجرائم بتاعته وبيقرب من الوحوش الحقيقية
4- Sherlock
محقق استشاري اسمه “شيرلوك هولمز” بيتم استدعائه للقضايا اللي بيكون صعب حلها على المحققين الرسميين واللي ساعات كان بيحل قضايا وهو في بيته بالتحليل المنطقي.. ودي الصورة المعاصرة للسير آرثر كونان دويل من المحقق شيرلوك
5- The Mentalist
مسلسل أحداثه بتدور حوالين اكتشاف لغز الجرائم الغامضة اللي بتحصل وبينطلق مكتب التحقيقات CSI مع فريقة تحقيقات لحل لغز أصعب الجرائم وفي نفس الوقت تجميع معلومات عن القاتل اللي قتل زوجته وبنته بل وبيطارده عشان ينتقم
6- Manhunt
كبير المحققين “كولين ساتون” بيقوم بتعقب قاتل متسلسل
7- Se7en
اتنين محققين واحد مبتدئ والتاني مخضرم بيتعاونوا على مطاردة قاتل متسلسل بيستخدم الخطايا السبعة المميتة كدافع لجرائمة
8- Zodiac
فيلم مقتبس من سلسلة عمليات قتل في الستينات والسبعينات من راجل بيلقب نفسه بالـ “زودياك” اللي بدأها في سان فرانسيسكو
9- Spotlight
الفيلم قصة حقيقة للتحقيق الخاص بجريدة “بوسطن جلوب” وده لما فريق “سبوت لايت” عمل تحقيق في ادعاءات الاعتداء الجنسي في الكنيسة الكاثوليكية لمدة سنة كاملة وكشف المعلومات
10- knives out
لما بيلاقوا جثة الكاتب الروائي “هارلان ثرومبي” بيتولى التحقيق المحقق بلانك في الجريمة وبيتورط في أحداث كتير في سبيل التحقيق
11- Memento
محقق جرائم سابق بيدور على قاتل زوجته وبيتصاب بضربة على دماغه ويفقد الذاكرة للأحداث القريبة ومابيقدرش يتعامل كويس فا بيبدأ يكتب الملاحظات ويجمع الصور عشان تساعده
12- The Departed
وحدة تحقيق بتتعاون مع الشرطة اللي بيحطوا ظابط وسط العصابة عشان يكون واحد منهم وبيحاولوا يوقعوا كوستيلو لما بينضم ليهم ويبقى فرد منهم وبيحصله انتكاسة بس بيكمل محاولة
