في يومه العالمي.. نصائح لنوم أسرع وأفضل

17 مارس هو اليوم العالمي للنوم وده حدث سنوي بتنظمه الرابطة العالمية للنوم بهدف التذكير بفوائد النوم الصحي، ولذلك موقع Healthline بيقولنا على عدة نصايح لتحسين جودة النوم واللي بتتطلب تغيير بعض الأشياء في الروتين اليومي للشخص:

– تظبيط مواعيد النوم:

تغيير أوقات النوم والاستقياظ بشكل متكرر بيعمل إرباك للساعة البيولوجية للجسم، فا من المهم إن يكون في جدول لمواعيد النوم وكمان روتين بتعود جسمك وعقلك عليه للنوم، زي إنك كل يوم في موعد معين تاخد دٌش سخن وتقرأ كتاب، ولما ده بيتكرر، جسمك بيفهم إن موعد النوم قرب.

– ابعد أي إلكترونيات عنك:

مؤسسة النوم الوطنية في أمريكا بتقول إن وجود أجهزة إلكترونية زي اللاب توب والموبايلات ممكن تعمل صعوبة في النوم، لإن الضوء الأزرق اللي بيطلع الشاشات دي بيقلل من انتاج الجسم لهرمون الميلاتونين وهو هرمون النوم.

فا لو سريرك مرتبط بأي حاجة تانية غير النوم فا ده هيخلي فكرة النوم أصعب، ولذلك تجنب إنك تتفرج على التلفزيون أو تقلب في الموبايل وأنت في السرير، وده عشان تعمل ربط بين سريرك والنوم.

– كل خد بالك بتشرب إيه قبل ما تنام:

شرب الكافيين بتفضل آثاره في الجسم من 6 لـ 8 ساعات، ولذلك تجنب شرب أي حاجة فيها كافيين سواء قهوة أو صودا بليل.

– حاول أكتر من مرة:

لو بعد 15 دقيقة من وجودك في السرير معرفتش تنام، جرب تقوم تعمل أي حاجة زي سماع مزيكا هادية أو القراءة بس برضه لا تفتح تقلب في موبايلك أو اللاب توب.

– الضوء ودرجة الحرارة:

دول بيكونوا أكتر حاجتين بيعملوا اضطراب في النوم، حاول تشوف طريقة تخلي بيها أوضتك مظلمة وباردة، ولو في دوشة فا استثمر في شباك عازل للصوت وستائر بتحجب أي ضوء جاي من الشارع.

خلق عادات وروتين للنوم بتساعد على نوم أسرع واستمتاع أفضل به، وده عن طريق جدول منظم لمواعيده وروتين بيخليك تستعد للنوم ودايما تأكد من إن غرفتك تكون باردة بشكل معتدل، وإذا برضه معرفتش تنام فا ماتحاولش إجبار نفسك ولو طبقت كل الخطوات دي ومعرفتش تنام، فا زيارة طبيب ممكن تفيدك أكتر سواء بتغييرات إضافية في أسلوب الحياة أو أدوية أو حاجات تانية.

Related Articles

Back to top button