في اليوم العالمي للشلل الدماغي هنقولك على 5 أفلام أتكلمت عنه

النهاردة 6 أكتوبر اليوم العالمي للشلل الدماغي والدراسات السكانية الحديثة من جميع أنحاء العالم بتقول إن نسبة الإصابة بالشلل الدماغي تتراوح من 1 ل ما يقارب من 4 لكل 1000 طفل وفقا لموقع Centers for Disease Control and Prevention
وعشان كده جمعنالكم 5 أفلام ناقشوا الموضوع ده:

1- فيلم  2002 Oasis:

هو فيلم دراما كوري من إخراج لي تشانغ دونغ والفيلم بيحكي عن رجل معاق ذهنيا خرج من السجن  بسبب حادثة قديمة ولكن بيقرر يدور على عيلة الراجل اللي حصله الحادثة وهناك بيقابل غونج جو اللي عندها شلل دماغي حاد وبتنشأ بينهم علاقة رومانسية و بنشوف ازاي أهلهم والناس بيتعاملوا معاهم ونظرة المجتمع ليهم خلال الفيلم.،والفيلم حصل على جوايز كتيرة في مهرجان البندقية السينمائي.

2-Door to Door 2002:

هو فيلم أمريكي من إخراج ستيفن شاشتر بيحكي عن بيل بورتر  رجل مصاب بالشلل الدماغي ورغم ده بيحاول يلاقي وظيفة وبيستخدم حسه الفكاهي والعزيمة والتصميم علشان يقنع مدير شركة كبيرة إنه يعينه عنده وبنشوف رحلة بوتر وسعيه طوال الفيلم للنجاح وإنه يكسب حب العملاء بتوعه.

3-Life Feels Good 2013:

هو فيلم دراما بولندي من إخراج ماسيج بيبرزيكا والفيلم مبني على قصة حقيقية بيحكي عن ماتيوس وهو شاب ذكي ورومانسي لكن بيعاني من الشلل الرباعي الحاد اللي بيخليه ميقدرش يتكلم ويتحرك بشكل طبيعي ولكن بيحصله ظروف صعبة وعقبات بتخليه يتحط فى مؤسسة والفيلم بيورينا ماتيوس ازاي هيتعامل مع اللي حصل معاه.والفيلم فاز بجوايز مهمة في مهرجان مونتريال السينمائي العالمي.

4-Margarita with a Straw 2015:

هو فيلم دراما هندي من إخراج شونالي بوس بيحكي عن فتاة مراهقة عندها شلل دماغي بتسافر نيويورك علشان تدرس وخلال رحلتها بتكتشف ذاتها وتعاملها مع مفهوم الحب وبنشوف بتتعامل ازاي مع مرضها وسط كل ده.

5-Ian 2018:

هو فيلم أنيميشن قصير أمريكي من إخراج أبيل جولدفارب بيحكي عن ولد صغير اسمه إيان مصاب بالشلل الدماغي وبيحاول إنه يكون صداقات مع زمايله لكنه بيتعرض للتنمر والتمييز ولكن بيحاول إنه يتغلب على كل الصعوبات دي ومايستسلمش بسهولة 

  .