دليل التسالي في فترة التوقف.. حاجات تتفرج عليها لحد ما الموسم يبدأ

فترة التوقف قبل الدوريات فيها قلة شغف والحيرة بتاعت “طب هسهر اتفرج على إيه النهارده؟”.. ماتقلقش خالص.. جمعنا شوية أفلام ومسلسلات ووثائقيات جديدة هتسليك وتعيشك جو الرياضة لحد ما الموسم يرجع من جديد

📺 مسلسلات ووثائقيات جايين في السكة

1. مسلسل “Ted Lasso” – الموسم الرابع (5 أغسطس)

المدرب المفضل للكل راجع من تاني.. بس المرة دي بتجربة جديدة.. “تيد لاسو” هيدرب فريق نادي “ريتشموند” للسيدات في الدرجة الثانية.. فجهز نفسك

2. وثائقي “Mourinho” (11 أغسطس)

عشاق “السبيشال ون” يجمعوا هنا.. وثائقي بياخدك في رحلة عميقة مع جوزيه مورينيو.. من التتويج بالبطولات زي دوري الأبطال التاريخي مع بورتو للفوز على برشلونة جوارديولا بالكامب نو والفوز بالأبطال مع الإنتر.. هتشوف كواليس وأسرار ورحلة صعود السبيشال وان وإزاي شخصيتة وغرورة تم تكوينه

🎥 مسلسلات ووثائقيات رياضية هتعيشك مود الرياضة

3. مسلسل “The Hawk” –  يوليو 2026

قصة ملهمة جداً عن شخص قرر يرجع يلعب جولف بعد ما كبر في السن.. ومش بس كده.. ده قرر ينافس على بطولة “جراند سلام”.. حكاية ممتعة لو بتحب قصص التحدي وإثبات إن السن مجرد رقم والمسلسل عدد حلقاته 10.

4. وثائقي “Topuria: Matador”

لو من عشاق الـ UFC والفنون القتالية المختلطة.. الفيلم ده ليك بامتياز.. بيوثق رحلة نجم الـ UFC إيليا توبريا من الكواليس والتدريبات الشاقة وتفاصيل صعوده في التصنيف.. لحد ما وصل للحظة المرتقبة واللعب على اللقب العالمي.

5. وثائقي “The Root of The Game”

الفيلم ده بياخدك لقلب البرازيل.. وتحديداً أكبر بطولة هواة لكرة القدم في مدينة ساو باولو.. هتتفرج على شغف الشارع البرازيلي الحقيقي بالكورة.. وإزاي الشغف ده بيتحول لرحلة كفاح للوصول للاحتراف