8 حاجات ماتعرفهاش عن الألوان

عالم الألوان عالم كبير مش مجرد ألوان طلعت فجأة كده لا كل لون ناتج عن ميكسات واختراعات كتير عشان يقدروا يوصلولها في شكلها الحالي وموجودة في كل حاجة بنستخدمها في حياتنا من أول لبسنا للأماكن اللي بنعدي عليها  وعشان نعرف أكتر عن العالم ده جمعنالكوا في الموضوع ده حاجات مانعرفهاش عن عالم الألوان وفقا لموقع  hunterlab  و  ucreative

1-إسحاق نيوتن هو اللي اخترع عجلة الألوان

مش بس اكتشف الجاذبية لا كمان هو اللي اخترع أول عجلة ألوان أساسية عشان توضح العلاقة بين الألوان الأساسية والثانوية وهي اللي بتساعد المصممين إنهم يفهموا الألوان كويس

2-اللون الأحمر هو أول لون بيقدر يشوفه البيبي:

لأن ليه أطول طول موجي بين الألوان فبيقدر يشوفه

3-فوبيا الألوان:

بعض الناس بتخاف من ألوان معينة وبيشوفوها مزعجة للعينين زي اللون الأحمر..

4- الثيران مش بتكره اللون الأحمر:

من الشائع إن الثيران بتكره اللون الأحمر لكن الحقيقة إنهم عندهم عمى ألوان بالنسبة للون الأحمر واللي فعلا بيعصبهم مصارع الثيران وحركته اللي بتستفزهم مش اللون نفسه

5- اللون البنفسجي كان بيعتبر من الألوان الملكية:

لأنه كان غالي جدا وصعب أي حد يشتريه أو يوصله لأنه كان بيستخدم من الحلزون وكان وقتها القواقع بتاعته قربت تنقرض.. فماكانش بيقدر على تمنه غير الملوك بس

6-اللون الأزرق كان زمان في روما للطبقة العاملة:

لأن الملوك كانوا بيلبسوا الأبيض والأحمر والأسود واللي بينتموا لطبقات فقيرة كانوا بيلبسوا أزرق فكان مرتبط بالطبقة العاملة والبرابرة

7-اللون البرتقاني ماكانش اسمه orange زمان:

Orange كانت بتستخدم لاسم الفاكهة واللون البرتقاني زمان في القرن ال 13
كان اسمه Geoluhread يعني الأصفر والأحمر..

8-اللون الأزرق هو المفضل في العالم:

في الدراسات اللي عملتها شركات التسويق العالمية المختلفة لقوا إن اللون الأزرق هو اللون المفضل الأكثر انتشارا في جميع أنحاء العالم وبعديه اللون البنفسجي على طول

ومن الحاجات اللي ماتعرفهاش عن الألوان كمان إنها بتأثر على حياتنا كلها!
ولو عايز تعرف إزاي تقدر تشوف الموضوع من اللينك ده