الجزء الجديد من COD قادم في نوفمبر الجاي وأخبار تانية في الملخص الأسبوعي

مساء أو صباح الخير على جيمرز جلوكال حسب وقت قراءتكم للموضوع ده، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، خلونا نبدأ الملخص بخبر الكشف بشكل رسمي على الجزء الجديد من سلسلة التصويب الشهيرة Call of duty.

الجزء الجديد هيكون باسم Call of duty: Modern Warfare III وهيتم طرحه في 10 نوفمبر المقبل.

الجزء الجديد هيشهد عودة شخصية ماكاروف وهيتم الكشف عن اللعبة يوم 17 أغسطس الحالي.

وواحدة من المعلومات المهمة واللي تم تأكيدها بشكل رسمي، إن كل حاجة بتملكها في لعبة Modern Warfare 2 هيتم نقلها في الجزء الجديد.

وواحد من الأخبار اللي أثار غضب الجيمرز في الأيام اللي فاتت هو طرح لعبة Red Dead Redemption على أجهزة PS4 و Nintendo Switch في 17 أغسطس الحالي.

المشكلة إن النسخة دي لا هي ريميك ولا ريماستر، هما هينزلوا اللعبة زي ما هي بـ50 دولار، اللي هو بالله عليك شو استفدنا!

أعلنت سوني عن قائمة الألعاب المجانية لشهر أغسطس 2023 للمشتركين في خدمة Playstation Plus واللي هتتوفر من 15 أغسطس ماعدا لعبة Sea of Stars هتتوفر في 29 أغسطس.

تقدروا تعرفوا كل الألعاب من خلال رابط مدونة بلايستيشن من هنا

Related Articles

Back to top button