قبل ما تتبرع بالدم.. اعرف إيه أهم الشروط المفروض تتوافر فيك!

يوم 14 يونيو من كل سنة هو يوم المتبرعين بالدم.. واليوم ده اتعمل مخصوص تقديرًا لجهود المتبرعين في إنقاذ حياة ناس كتير كبار أو أطفال.. منهم اللي اتعرض لحادثة أو بيعاني من نوع معين من الأمراض بيحتاج نقل دم وكل ده بيحصل بشكل تطوعي بدون مقابل.. ومن ناحية تانية التبرع بالدم مفيد جدًا للمتبرع لأنه بيساعده على تجديد خلايا الدم وبيقلل من احتمالية أصابته بأمراض في المستقبل

 

عشان كده كان ضروري قبل ماتتبرع بالدم يبقى عندك وعي بأشكال التبرع بالدم زي ما بيقولك موقع مايو كلينك الطبي:

  • التبرع بالدم الكامل: بيتم التبرع فيه بنصف لتر دم وبعد كده بيتم فصل البلازما والصفائح الدموية وخلايا الدم الحمراء للاستفادة بيهم وده أكتر نوع شائع
  • التبرع بالصفائح الدموية: ودي خلايا بتساعد على وقف النزيف عن طريق تكوين تكتلات وانسدادات في الأوعية الدموية وبيتم التبرع بيها للأشخاص المصابين بتجلط الدم أو المصابين بالسرطان واللي بيخضعوا لعمليات زرع الأعضاء أو عمليات جراحية كبيرة
  • التبرع بخلايا الدم الحمراء: بيتم التبرع بكمية مركزة من خلايا الدم الحمراء وبتشتغل على توصيل الأكسجين للأعضاء والأنسجة للأشخاص اللي بيفقدوا دم كتير بعد حادثة والمصابين بفقر الدم المنجلي
  • التبرع بالبلازما: وده بيكون الجزء السائل من الدم وبتحتوي على أجسام مضادة تساعد في مكافحة العدوى زي ماشوفنا التبرع بيها في أزمة كورونا

والأهم بقى تعرف شروط التبرع بالدم زي مابتوصي منظمة الصحة العالمية عشان تحافظ على نفسك وتضمن سلامة اللي بتتبرعله:

  1. المتبرع يكون بصحة جيدة
  2. سن المتبرع يتراوح بين 18 و65 سنة
  3. وزن المتبرع 50 كيلو على الأقل
  4. وجود الحد الأدنى من الهيموجلوبين لدى المتبرع.. 12 للإناث و13 للذكور
  5. التوقف عن تناول الاسبرين لو هتتبرع بالصفائح الدموية ومراجعة الطبيب قبلها
  6. الانتظار 6 أشهر إذا خضع المتبرع لممارسة الوشم أو الثقب أو 12 ساعة فقط لو من خلال متخصص أزال أي التهاب
  7. الانتظار 24 ساعة إذا خضع المتبرع لعملية جراحية بسيطة و30 يوم لو خضع لعملية جراحية كبيرة
  8. وقف التبرع مؤقتًا التبرع للأشخاص اللي سافرت دول فيها عدوى زي بالملاريا وحمى الضنك وفيروس زيكا
  9. وقف التبرع مؤقتًا للحامل وبعد أن تضع بعدها ب 9 أشهر
  10. ممنوع التبرع لو الشخص مصاب بأي عدوى زي الزكام أو الأنفلونزا أو التهاب
  11. الحلق أو وجع البطن أو فيروس C و B وفيروس نقص المناعة
  12. ممنوع التبرع لمتعاطي المخدرات الترفيهية بالحقن
  13. ممنوع التبرع للفرد اللي مارس علاقات جنسية “تُعرّض للخطر” خلال فترة الـ12 شهر قبل التبرع

Related Articles

Back to top button