حاجات لازم تعرفها لو في حياتك حد برج العذراء!
بمناسبة بداية موسم برج العذراء.. قولنا نجمعلكوا شوية صفات كده عشان لو في حد في حياتكوا برج العذراء
شخصية مواليد العذراء فيها جزء كبير من الغموض، ومش أي حد يتوقع اللي جواهم.
شخص حساس جدا وبيحب يعيش في هدوء ومن غير مشاكل، ومبيحبش الأماكن الزحمة ولا الأصوات العالية ولا الزعيق.
له عالمه الخاص بيه، وأماكنه الخاصة اللي بيحب يقعد فيها لوحده زي مثلا إنه يقعد لوحده في أوضته أو في البلكونة أو على البحر ويسمع أغاني بيحبها لوحده.
قلبته صعبة جدا، لأنه مبينساش، ولو فاض بيه، فعليك وعلى حبك السلام.
شخص باحث عن الكمال، بيحلل كل حاجة، وبيهتم بأدق التفاصيل، وبينتقد كل حاجة، ولو ملقاش حاجة ينتقدها بيبدأ ينتقد نفسه.
ونفس الكلام في النكد، بيعشق المعاناة وضيق التنفس، ولو ملقاش حاجة تنكد عليه، بيبدأ ينكد على نفسه.
غيور جدا بس مش بيبين ده، وغيرته بتكون على كل اللي بيحبهم، مش على اللي مرتبط بيهم بس.
بيخاف من الحب والعواطف والمحن والتلزيق عشان بيخاف يتجرح أو يتأذي.
عنده القدرة إنه يتعامل مع كل الناس من مختلف المرجعيات والأفكار والخلفيات.
وفي الآخر حابين نقول.. كل سنة ومواليد برج العذراء طيبين!
