جزء جديد من Call of duty بنهاية عام 2023 وأخبار تانية في ملخص الأسبوع
مساء الفل على جيمرز جلوكال، ده ملخص الأسبوع اللي بنتكلم فيه عن أهم الأخبار اللي حصلت خلال الأسبوع اللي فات في عالم الفيديو جيمز وما يخصه، وخلونا نبدأ الملخص بخبر إصدار جزء جديد من Call of Duty في نهاية عام 2023
لحد دلوقتي مفيش طبعا إعلان رسمي ولكن التسريبات اللي بيقولها ناس تقيلة وكتيرة في صناعة الألعاب، بيقولوا إنه كان من المفترض هيوصل DLC للعبة في 2023 ولكن شركة Activision قررت طرح لعبة كاملة
وده بيأكد كلام الصحفي جيسون شراير اللي قال من فترة إن استوديو Treyarch كان هيقوم بطرح جزء جديد من Black Ops في العام الحالي ولكن شركة Activision قررت تأجيلها لعام 2024
Let me make this super clear:
– The next game, by Treyarch, is coming out in 2024
– Next year there will be a Modern Warfare II “premium” (paid) expansion by Sledgehammer
– It’s supposed to have lots of content! Maybe that’s why they call it a “full” release. But it’s more MWII https://t.co/jXKAiMFcTf— Jason Schreier (@jasonschreier) November 7, 2022
تاني خبر بيقول إن إتحاد كرة القدم البريطاني وصل لاتفاقية مع شركة EA لحصر حقوق الدوري الإنجليزي لمدة 6 سنوات قادمة عشان هتكون الراعي الرسمي للبطولة
وبعد أيام قليلة من طرح لعبة Hogwarts Legacy، فا اللعبة بتحقق أرقام قياسية ضخمة وصلت لـ 879 ألف لاعب متزامن على متجر ستيم وده بيخليها في المرتبة التانية بقائمة أكثر لاعبين متزامنين في لعبة فردية بعد لعبة Cyberpunk 2077 واللي بيتزامن عليها أكتر من مليون لاعب.
