إيه هي “السياحة العلاجية” وأشهرأماكن تواجدها في مصر؟

لكل الناس اللي بتحب الأماكن الطبيعية والمناظر الجميلة وكمان الاستفادة الكبيرة في نفس الوقت بالعلاج مع الزيارة.. حبينا نعرفكم أكتر عن “السياحة العلاجية في مصر” 

 في العادي بتكون ناس عايزه تسافر بره بلدها عشان تلاقي خدمة علاجية عالية واهتمام كبير بأسعار قليلة ومعقولة.. بس ليه تسافر بره وإنت عندك في مصر أفضل الأماكن الخاصة بالسياحة العلاجية

السياحة العلاجية أو الاستشفائية هي نوع من أنواع السياحة وبتكون سفر بهدف العلاج والاستجمام.. يعني 2*1 وده بيكون في المنتجعات الصحية في كل الأماكن في العالم

مصر مشهورة بمدنها ومياهها المعدنية والكبريتية وجوها الجاف اللي مفيهوش رطوبة.. ده كمان بالإضافة لتربتها من رمال وطمي صالح لعلاج الأمراض العديدة. والشواطئ المختلفة الكتيرة ومياه البحار اللي ليها خواص طبيعية مميزة وليلة كبيرة سعاتدك!

فا تعالوا نشوف مع بعض أشهر أماكن السياحة العلاجية في مصر وشوية معلومات عنها:

1-  الواحات البحرية

تبع محافظة الجيزة.. بالإضافة للمقومات التاريخية والأثرية للمكان إلا إن فيها كمان مقومات كبيرة للسياحة العلاجية والاستشفاء البيئي.. موجود بيها حوالي 400 عين للمياه المعدنية والكبريتية الدافئة اللي تم إثبات أهميتها في علاج الروماتيزم والروماتويد والأمراض الجلدية واللي بيخليها من أهم منتعجات العالم عشان كمان مناخها جاف ومعتدل والشمس بتكون ساطعه طول السنة وفيها:

“واحة سيوة”

من أشهر الواحات اللي موجوة في الصحراء الغربية ومعروفة باسم “جنة الفنانين” وواحة الجمال ودي من أفضل الأماكن السياحية في مصر وده عشان مناخها مميز جدًا من الهواء المعتدل والسماء الصافية وفيها آبار وينابيع نقية حواليها كثبان رملية وأشجار زيتون ونخيل وقريب منها

“جبل الدكرور”
اللي فيه مرافق علاجية كتير برضه وموجود كمان العلاج بالدفن تحت الرمال بتساعد في علاج الصدفية والروماتيزم

كمان “العيون الساخنة”

منطقة في سيوة مميزة باحتوائها على معادن بتفيد في علاج الأمراض الجلدية كالصدفية وكمان أمراض الجهاز الهضمي ومن الأمثله عين كيجار اللي غنية بالكبريت ودرجة حرارة المياه بتاعتها بتوصل لحوالي 67 درجة مئوية

2- الواحات الخارجة

“آبار بولاق”

وهي آبار متدفقة ذاتيًا عمقها حوالي 1000 متر ودرجة حرارة 28 وتحيطها  مساحات خضرة والتحاليل العلمية أثبتت احتواء المياه بتاعتها على عدة عناصر معدنية ليها فوائد علاجية.. قريب منها كثبان رملية ناعمة وبتستخدم في العلاج بالطمر (العلاج بالدفن) وبرضه بتعالج حاجات كتير زي الآلام بتاع الغضاريف وحاجات تانية كتير.. فيها منتجع سياحي يقدم كل الخدمات للناس اللي بتروح هناك

“آبار ناصر”

عبارة عن 3 آبار مختلفة بتتجمع مياهها في حمام سباحة درجة حرارته 28 على مدار العام.. برضه فيه علاجات روماتيزمية والأمراض الجلدية وحصى الكلى 

3- الوادي الجديد

من أكبر محافظات مصر ومن أكتر الأماكن اللي جوها نضيف وصافي.. مفيهوش جفاف ولا رطوبة والشمس ساطعه وجو نقي مفيهوش أي ملوثات فيها رمل وأعشاب ونباتات طبية بيطلع منها علاج وزيوت نباتية وعطرية.. كمان عيون وآبار طبيعية درجة حرارتها بتوصل 34 وفيها عناصر معندية مفيدة

4- الواحات الداخلة

فيها آبار موط اللي بتتميز بمياه درجة حرارتها 43 وفيها عناصر معدنية مفيدة للعلاج.. وبئر عين الجبل اللي درجة حرارته بتوصل 54 درجة مئوية بس لسه ماتمش فيها إقامة أماكن للعلاج الطبيعي

5- واحة الفرافرة 

تقع على بعد 6 كيلو متر من الفرارة ودرجة حرارة المياه فيها 24 طول السنة.. وبيحيط بالواحة صحراء رملية بيضاء وفيها أعشاب ونباتات طبيعية للعلاج زي النعناع البري وأشهر الأماكن فيها “بئر 6” 

6- سفاجا

أنسب مكان في العالم لعلاج الصدفية لأنها محاطة بالجبال المرتفعة من كل الجوانب وده بيخليها حائط صد طبيعي للرياح والعواصف الرملية وجوها النقي والمياه بها عالية الملوحة بنسبة 35% وأشهر الأماكن “الرمال السوداء” وسفاجا 

الناس اللي بتعاني من أمراض كتير زي الكلى والقلب والكبد وبعض الأمراض الخبيثة وأمراض تصلب الشرايين وضغط الدم المرتفع ما يقدروش يروحوا الأماكن اللي منخفضة عن سطح البحر عشان مضرة ليهم على العكس بسبب مناخ سفاجا الجميل فا هو مكان مناسب ليهم ويقدر يساعدهم يستمتعوا بالخروج وكمان العلاج في نفس الوقت!

7- حلون

تتميز حلوان بجوها الجاف ونسبة رطوبة لا تتجاوز 58% بالإضافة لعدة عيون معدنية وكبريتية ليها درجة نقاء كبيرة جدًا وفائدة علاجية عالية وفيها مركز كبريتي للطب الطبيعي وعلاج الألم والأمراض الروماتيزمية