7 فوايد عشان تزرع في بيتك 

من فترة كده ظهر تريند بيتكلم عن قد إيه بتبقى حاجة حلوة لما تستغل مساحة السطح فوق بيتك مثلا وتزرع فيه أو البلكونات كمان، وده بالفعل ناس كتير عملاه، وفيه ناس تاني بتبقى زارعة في البيت أي نباتات.. وفي الغالب الناس اللي بيعملوا كده بيحبوا النباتات والزراعة أصلا وبيبقى عندهم شغف الاهتمام بالزرع مش لمجرد إنهم عايزين شكل بيتهم يبقى حلو وخلاص وفيه أي زينة.. وفيه ناس فعلا بتستمتع بشكل المساحات الخضراء دي وبتحسسها بالراحة النفسية وبتحب تقعد أو تشتغل أو تذاكر في أي مكان فيه زرع.

وبرغم ان زراعة نباتات في البيت أوقات بتبقى مرهقة شوية عشان مسؤولية الاهتمام بيها لكن بيبقى ليها فوايد كتير.. موقع “healthline” اتكلم في أحد مقالاته عن إيه فوايد زراعة نباتات في البيت:

1- زراعة النباتات في البيت بتساعد على تقليل التوتر:

في دراسة اتنشرت في مجلة الأنثروبولوجيا الفسيولوجية إن النباتات في البيت أو المكتب بتحسس الناس براحة وهدوء وطبيعة أكتر وفي الدراسة دي كلفوا الناس اللي شاركوا فيها بمهمتين مختلفتين وهما إنهم يعيدوا توزيع النباتات في بيتهم أو يعملوا أي مهمة قصيرة بتعتمد على الكمبيوتر.

وبعد كل مهمة الباحثين عملوا قياس للعوامل البيولوجية المرتبطة بالتوتر وبما فيهم معدل ضربات القلب وضغط الدم ولقوا إن الاهتمام بالنباتات أو البستنة قللت التوتر عند المشاركين، ومن ناحية تانية مهمة الكمبيوتر ساعدت في ارتفاع ضربات القلب وضغط الدم، وده وبالرغم إن المشاركين في الدراسة كانوا شباب واتعودوا انهم يستخدموا الكمبيوتر.

وبالتالي استنتج الباحثين في الدراسة إن العمل مع النباتات بيقلل من التوتر النفسي والفسيولوجي.

2- النباتات الطبيعية بتزود التركيز: 

النباتات البلاستك مش هتساعد تحس بالراحة اللي بتحس بيها وأنت بتذاكر، فيه دراسة صغيرة شارك فيها 23 شخص، حط فيها الباحثين الطلاب في فصول دراسية مختلفة، شوية منهم مع نبات مزيف وشوية مع نبات حقيقي وشوية مع صور نباتات ومجموعة ماكنش معاهم أي نبات أصلا.

وأظهرت نتيجة فحوصات أدمغة المشاركين إن الطلاب اللي درسوا باستخدام نباتات حقيقية حية في الفصل كانوا مركزين ومنتبهين أكتر من الطلاب في المجموعات التانية.

3- العمل مع النباتات ممكن يبقى علاج أصلا:

بالنسبة للأشخاص اللي بيعانوا من أي أعراض لأمراض عقلية، فإنهم يزرعوا في البيت ده مفيد بالنسبة لهم، ده غير إن الباجثين استخدموا العلاج البستاني لزيادة مشاعر الرفاهية بين الأشخاص اللي بيعانوا من الاكتئاب والقلق والخرف وغيرها من الحالات.

وبالرغم من إن  العلاج البستاني كان موجود من قرون إلا إنه ظهر جديد، والعيادات الطبية في مانشستر في إنجلترا بتوصف العلاج ده للمرضي اللي بيعانوا من أعراض الاكتئاب والقلق.

4- النباتات بتساعدك تتعافى من المرض بشكل أسرع: 

إنك تبص للنباتات أو الورد بس بيساعد على إنك تخف من مرض أو إصابة أو عملية أسرع، 

كشف بحث اتعمل سنة 2002 إن الأشخاص اللي بيتعافوا من أنواع معينة من العمليات الجراحية وهما حواليهم مساحات خضرا خلال فترة تعافيهم بيحاتجوا لمسكنات أقل وبيقضوا فترات أقل في المستشفى

5- النباتات بتزود الإنتاجية:

الدراسات أثبتت إن النباتات الموجودة في مساحة الشغل بتزود الإنتاجية والإبداع، واكتشفت واحدة من الدراسات اللي تم الاستشهاد بيها بشكل متكرر سنة 1996 إن الطلاب في معمل الكمبيوتر في الجامعة اشتغلوا بشكل أسرع بنسبة 12% وكانوا أقل توتر لما حطولهم نباتات في أماكن قريبة.

وفي دراسة اتعملت سنة 2007 لقوا فيها إن الأشخاص اللي عندهم نباتات في الأوضة عندهم بياخدوا اجازة مرضي أقل وكانوا أكتر إنتاجية في الشغل.

6- النباتات بتحسن نظرتك للشغل: 

منظر الجنينة لما بيكون قدام شخص وهو بيشتغل بيخليه يحس بالرضا عن شغله لكن المفاجأة هو إن النباتات اللي مزروعة في البيت في أصيص بيكون ليها نفس التأثير على الشخص، 

الباحثين عملوا مقابلات من 440 شخص انترفيوز في أمازون الهند وأمريكا ولقوا إن اللي مكاتبهم فيها عناصر طبيعية زي النباتات حسوا بقدر أكبر من الرضا الوظيفي والتزام أكبر تجاه المؤوسسة اللي شغالين فيها أكتر من اللي حواليهم عناصر طبيعية أقل.

وقال الباحثين كمان إن العناصر الطبيعية ساعدت في تخفيف أثار القلق وضغوط العمل.

7- النباتات بتحسن نوعية الهواء:

النباتات بتنقي الهواء من أي تلوث حسب دراسة عملتها وكالة ناسا في التامنينيات لما كان الباحثين بيدوروا على طرق لتحسين جودة الهواء في مركبة فضاء مغلقة واتفقوا إن جذور وتربة النباتات المنزلية بتقلل بشكل كبير من المركبات العضوية المتطايرة “VOCs”.

وبعدها شكك الباحثين في النظرية دي وقالوا إنك لازم يكون عندك عدد كبير من النباتات عشان تحقق كفاءة تنقية الهواء دي.

وطبعا عشان تزرع أي نباتات في البيت أهم نصيحة إنك لازم تختار نوع نباتات أمنة ليك ولأطفالك وحيواناتك الأليفة اللي في البيت، ويمكن يبقى مستحيل إنك تلاقي قايمة بالنباتات السامة عشان تبعد عنها لإن بعض النباتات فيها أجزاء سامة وأجزاء تانية أمنة، 

 يكاد يكون من المستحيل العثور على قائمة كاملة بالنباتات السامة لأن بعض النباتات تحتوي على أجزاء سامة وأجزاء أخرى آمنة تمامًا.

Related Articles

Back to top button