“عادي إن الرجالة تعمل Skincare”.. تريند من صناع محتوى مصريين للاهتمام بالبشرة!

كتب: أحمد شحاتة

رجالة كتير بتعمل Skincare فيه منهم بيقول، وفيه منهم بيتكسف يقول عشان مايتقالش عليهم “مش رجالة” زي ما بالظبط ناس قالت عليا “مش راجل” بعد مانزلت فيديو “8 أسباب خلتني أعمل Skincare” وخليني أقولكم هنا أكتر عن أسباب تانية تخليك تعمل كده وتعتبر إن عادي تعمل Skincare!

أول حاجة عشان إحنا كرجالة عندنا جلد -برضه – زينا زي البنات، والجلد ده عضو في الجسم لازم اهتم بيه زي مابهتم بأي عضو أو جهاز زي الجهاز المناعي، عضو مهم وهو أكبر عضو في الجسم كمان!

الاهتمام بوشك بيساعدك تقلل التوتر والقلق قبل النوم، بيخليك تحس إنك عملت إللي عليك ونايم Fresh، كمان لما بتشوف تحسن شكلك وبشرتك عن الأول هتحس فعلاً بحماس يخليك تكمل!

وشك هو أول حاجة عين الناس بتيجي عليها والاهتمام بيه هو استثمار في نفسك، واهتمامك ببشرتك هيخليك تبطل تستخدم filters اللي دراسات كتير بتقول إنها بتأثر بالسلب على صحتنا النفسية وعن علاقتنا وتقبلنا لنفسنا وشكلنا.

عشان كده عملت فيديو على انستجرام اتكلمت فيه عن الموضوع ده!

ولما نزل على تيكتوك كمان شجع شباب كتير على تيك توك ينزلوا فيديوهات ليهم وهما بيهتموا ببشرتهم!

@photoshop_hustlerSkin Care with @thehadeerhameed @rana.reviews #skincare♬ original sound – Ali Khalid

@khedr_shannanLike and follow me ❤️🤗#skincare♬ Spongebob – Dante9k

@abdallahenawyالعنايه بالبشره مش عيب للراجل 🤷‍♂️ دا اهتمام ونضافه ♥️ والصابونه مش حل ⚠️ #جامد_زوحليقه #routine #skincare #skincareroutine #asmr #skin♬ original sound – Abdallah Enawy

وعلى تويتر فيه أكتر من أكونت عمله شير وده شكل التفاعل اللي عليه والشباب اللي اتشجعت تقول “وأنا كمان” ونزلوا تويتس بيقولوا فيها إنهم بيعملوا Skincare وبيهتموا ببشرتهم!

الاهتمام بالبشرة ليه أسباب تانية صحية غير تجميلية للرجالة زي:

1- بيحمي وشك من الشمس وآثارها اللي ممكن تعملك بقع وتصبغات.

2- بيقلل التجاعيد وبيمنع الحبوب وبيعالج آثارها.

3- حلاقة الدقن بتجهد الجلد وده محتاج لعناية واهتمام.

آخر حاجة عايز اقولها اهتمامك بنفسك مالهوش علاقة بإنك راجل أو ست، النظافة للجميع، وفيه ناس بتعمل زيي كتير وناس بتعمل أكتر وناس أقل، بس الأساسي هو واقي الشمس والغسول والمرطب.

وأهم حاجة تشرب مياة كتير لأن لو ماشربتش مياة كل اللي فات ولا له أي لازمة.

الفيديو شارك فيه صناع محتوى تانيين زي: معاذ ياسين – فاروق الجوهري – عمر ميجو – حسن بيسو – أضا – حسام هيكل وغيرهم من صناع محتوى دعموا الفكرة!

لما شكلك يبقى حلو ومرتاح بتبقى أنت مرتاح، وكل واحد حقه يعمل اللي بيخليه مرتاح من غير ما الناس تقول عليه “مش راجل” أو أي كلام تاني!

Back to top button