في اليوم العالمي لسرطان الرئة..جمعنالك أعراضه وإزاي العلاج منه
![](https://theglocal.com/wp-content/uploads/2023/07/موضوع-سرطان-الرئة.png)
العالم اختار يوم 1 أغسطس من كل سنة للتوعية ضد سرطان الرئة..
سرطان الرئة هو السبب الرئيسي لحالات الوفاة بالسرطان حول العالم وفقًا لمستشفى Cleveland clinic
يتم تشخيص أكثر من 43000 شخص بسرطان الرئة كل سنة في المملكة المتحدة وفقًا للهيئة الصحية الوطنية البريطانية
فيه فرصة للمدخنين لو اقلعوا عن التدخين إن احتمالية إصابتهم بسرطان الرئة تقل
وفي الموضوع هنعرف معلومات عن النوع ده من السرطان وفقا لمقال في موقع هيلث لاين ومايو كلينك والجمعية الصحية الوطنية البريطانية ومستشفى Cleveland clinic
إيه أنواع سرطان الرئة؟
- سرطان الرئة ذو الخلايا الصغيرة: وده بيحصل للمدخنين الشَّرِهين.. والنوع ده أقل شيوعًا
- سرطان الرئة ذو الخلايا غير الصغيرة: وده مصطلح شامل لمجموعة من سرطانات الرئة.. زي سرطان الخلايا الحرشفية
والسرطان الغُدّي وسرطان الخلايا الكبيرة
إيه هي الأعراض؟
- سعال مستمر وبتزيد حدته
- ضيق في التنفس
- ألم في الصدر
- صفير
- سعال الدم
- بحة في الصوت
- فقدان الشهية
- فقدان الوزن غير المبرر
- التعب غير المبرر
- ألم الكتف وآلام في الظهر
- تورم في الوجه أو الرقبة أو الذراعين أو الجزء العلوي من الصدر ( متلازمة الوريد الأجوف العلوي)
- تدلي الجفن في عين واحدة مع تعرق بسيط أو معدوم على جانب من الوجه (متلازمة هورنر)
طب إيه هي أسباب الإصابة؟
- التدخين: 90% من حالات سرطان الرئة ناتجة عن التدخين..يتلف الدخان أنسجة الرئة من أول ثانية تستنشقه فيها.. وبمجرد تلف خلايا الرئة تبدأ في التصرف بشكل غير طبيعي وبالتالي زيادة احتمالية الإصابة بالسرطان
- استنشاق مواد خطرة مثل:رادون.. الاسبستوس.. الزرنيخ.. الكادميوم.. الكروم.. النيكل.. اليورانيوم.. وبعض المنتجات البترولية
وإيه طرق العلاج؟
بيختلف العلاج حسب السرطان وصل لأي مرحلة زي ماهنشوف كده:
- المرحلة 1 NSCLC: التدخل الجراحي وإزالة جزء من الرئة ممكن يكون الحل… وممكن برضه العلاج الكيميائي خاصةً في حالة احتمال تكرار الإصاب.. وفي المرحلة دي بيكون السرطان أكثر قابلية للعلاج
- المرحلة 2 NSCLC: التدخل الجراحي وإزالة جزء من الرئة أو كل الرئة.. وهنا برضه بيوصى بالعلاج الكيميائي
- المرحلة 3 NSCLC: المريض هنا بيحتاج مزيج من العلاج الكيميائي والجراحة والعلاج الإشعاعي
- المرحلة 4 NSCLC: هنا بيقرر الطبيب بين اختيارات الجراحة والإشعاع والعلاج الكيميائي والعلاج الموجه والعلاج المناعيفي
في النهاية بنتمنى لكم السلامة دايمًا وبنقولك خلي بالكم من صحتكم