مين هو المدير الفني الجديد للمنتخب “كارلوس كيروش”؟.. وإيه أهم إنجازاته؟

رسميًا النهاردة 8 سبتمبر 2021 قرر الاتحاد المصري لكرة القدم برئاسة أحمد مجاهد في اجتماعه الممتد تعيين الجهاز الفني للمنتخب الوطني الأول كالتالي: 

1- البرتغالي كارلوس كيروش مديرا فنيا

2- ضياء السيد مدربًا عامًا

3- محمد شوقي مدربا

4- عصام الحضري مدربا لحراس المرمى

وده كان بعد اعتقاد ناس كتير إن الاتحاد هيختار حسن شحاتة كمدير فني، وخلى ناس كتير برضه تسأل مين المدرب الجديد كارلوس كيروش وايه هو تاريخه؟.. تعالوا نعرف مين هو كارلوس كيروش المدير الفني للمنتخب الوطني:

1- كارلوس كيروش اتولد في مارس 1953 في مدينة “نامبولا” الموزمبيقية اللي كانت وقتها تابعة لمستعمرة للبرتغال.

2- كارلوس لعب كرة القدم وقت قصير لمدة 6 سنين بس من سنة 1968 لسنة 1974 وكان في فريق الشباب والبالغين في “نامبولا”، وبعد كده قرر إنه يتخلى عن اللعب ويتجه لمهنة التدريب.

3- بعد انتقاله للبرتغال اشتغل كارلوس كيروش لمدة 10 سنين تقريبًا مدرب كرة للشباب والأطفال وعمل برامج لتطوير رياضة كرة القدم.

4- سنة 1984 كان عنده لسه 31 سنة واتعرض عليه رئاسة فريق الشباب تحت سن 20 سنة في البرتغال، وهو اللي اكتشف نجوم البرتغال في الكرة زي “روي كوستا، وفرناندو كوتو، ولويس فيجو”

5- سنة 1989 عمل إنجاز دولي كبير وهو في بطولة العالم في السعودية عن طريق نجاح فريقه في اجتياز مرحلة المجموعات لكن اتهزم في التصفيات من كولومبيا والبرازيل، وفي النهائيات كان فريقه أقوى من نيجيريا وعلى ايده بقى منتخب الشباب البرتغالي لأول مرة في التاريخ الأفضل في بطولة العالم.

6- وبعد كده مسك منصب مدرب المنتخب الوطني البرتغالي من سنة 1991 لسنة 1993.

7- في سنة 1994 تولى تدريب فريق “سبورتنج لشبونة”، وقبلها تولى تدريب “أوليييش لشبونة” و”لينينسي”.

8-  وبعد السنتين اللي دربهم لـ “سبورتنج لشبونة” اتنقل في سنة 1996 لتدريب “نيويورك ريد بولز” الأمريكي، وماطولش كتير هناك وراح يدرب نادي “ناجويا” الياباني واستمر في تدريبه لمدة سنة ومشي من هناك 1997.

9- ومن 1998 لسنة 1999 درب فريق الإمارات وبعدها اتنقل لتدريب منتخب جنوب أفريقيا من 2000 لـ 2002 “، وأثناء تدريبه لمنتخب جنوب أفريقيا قدر يشق طريقه لنهائيات كأس العالم 2002 ولكن قبل أيام من انطلاق البطولة استقال كارلوس كيروش.

10- وفي سنة 2002 اتنقل كمدرب مساعد مع السير أليكس فيرجسون في نادي مانشستر يونايتد الإنجليزي، ومن 2003 لـ 2004 درب النادي الإسباني ريال مدريد موسم واحد ورجع تاني  نادي مانشستر يونايتد كمساعد لحد سنة 2008.

11- وكانت الخطوة اللي بعدها له هي تدريب منتخب البرتغال تاني ولعب معاه في كأس العالم في 2010 وبعد مونديال جنوب أفريقيا بدأ خطوة تانية وهي تدريب منتخب إيران ولعب معاه في نهائيات كأس العالم مرتين مرة في 2014 ومرة في 2016

12- وسنة 2019 استقال من تدريب منتخب إيران بعد خسارته في نص نهائي كأس الأمم الآسيوية سنة 2019 من المنتخب الياباني بنتيجة 3-0.

13- وفي سنة 2019 بدأ تدريب منتخب كولومبيا بس سابهم في ديسمبر 2020 بعدما المنتخب خسر مرتين من أوروجواي 3-0 ومن الإكوادور 6-1 

14- من أهم إنجازات كارلوس كيروش كأس البرتغال وكأس السوبر البرتغالية مع “سبورتنج لشبونة” في موسم 1994-1995، وكأس السوبر الإسباني مع ريال مدريد في 2003، وبطولة أوروبا تحت سن الـ 16 سنة 1989، وكأس العالم للشباب سنة 1989 وسنة 1991.

Back to top button