كل اللي محتاج تعرفه عن iPhone SE 3.. أرخص موبايل من آيفون
شركة “أبل” أعلنت في مؤتمر “أبل” إمبارح الثلاثاء 8 مارس 2022 عن موبايل جديد لسنة 2022 واسمه “iphone se 3″، واللي من المتوقع يكون أرخص من iPhone 13.
من ضمن المميزات اللي أعلنت عنها شركة “أبل” في موبايل iPhone SE 3 الجديد إن شاشته من نوع LCD ومقاسها 4.7 بوصة، ومعدل التحديث بيوصل 60 هرتز في الثانية، وهيكون فيه مستشعر للبصمة Touch ID، والكاميرا الخلفية بدقة 12 ميجا بيكسل ، ده بالإضافة كمان إن فيه معالج من نوع A15 Bionic مع دعم لتقنية الجيل الخامس للاتصالات 5G، وهو نفس المعالج اللي بيشتغل بيه iPhone 13 واللي تم إطلاقه مؤخرا، ده غير كمان إن “iPhone se 3” بطاريته 1،821 مللي أمبير مع دعم الشحن السريع بقوة 25 واط.
لكن iPhone SE 3 مفيهوش مستشعر Face ID عشان بصمة الوش، لكن فيه مستشعر البصمة اللي هو الـ Touch ID، ده غير إن أبل هتعمل منه بألوان مختلفة كتير أكتر من الأبيض والأسود والأحمر.
iPhone SE 3 هيحتوي على شريحة A15 من جوا ده بالإضافة للـ 5G، مع دعم اتصالات mmWave وSub-6GHz، وهيكون فيه ذاكرة عشوائية رام 3 جيجا بايت ده غير كمان إن هيكون فيه ذاكرة صلبة بسعة 128أو 256 أو 64 جيجا بايت.
واتقال في مؤتمر Apple كمان إن إزاز اللوحة الأمامية والخلفية الموبايل أقوى إزاز في الموبايل، وبيدعم كمان الشحن اللاسلكي Qi، وهتبدأ الطلبات بتاعته من يوم الجمعة 11 مارس، وهيتم شحنه في 18 مارس.
وسعر iPhone SE 3 300 هيتراوح بين 429 / 479 /579 دولار هاتف iPhone SE 3
