إطلاق تطبيق ترامب الجديد للتواصل الاجتماعي “Truth Social” في المتاجر الإلكترونية
من شهور حوالي سنة في أول سنة 2021 بعد هجوم أنصار ترامب على الكونجرس الأمريكي بالظبط في 6 يناير 2021 اتهم فيسبوك وتويتر ويوتيوب الرئيس الأمريكي السابق دونالد ترامب بنشر رسائل بتحرض على العنف.
وقبل حظر الأكونتات بتاعته كان عند ترامب تقريبا 89 مليون متابع على تويتر و35 مليون على فيسبوك و24 مليون على إنستاجرام. وأغلب الوقت كان بيلجأ ترامب لتويتر للتواصل مع أنصاره، وكان بيصدر قرارات أساسية كتير زي الإقالات والتعيينات.
وبعد ما تم خطره على مواقع التواصل الاجتماعي قرر إنه هيعمل تطبيق ومنصة خاصة بيه، وبعد شهور من الوعود أعلن الرئيس الأمريكي السابق دونالد ترامب في شهر أكتوبر اللي فات إنه هيعمل شبكة خاصة بيه للتواصل الاجتماعي وهيكون اسمها “تروث سوشل”.
وقال في بيان إنه هيعمل المنصة دي وبالإضافة لمجموعة ترامب للإعلام والتكنولوجيا عشان يواجه استبداد عمالقة التكنولوجيا.
وبداية من يوم الأحد 20 فبراير بقى تطبيق دونالد ترامب “Truth Social” بقى متاح للتنزيل على متاجر التطبيقات الإلكترونية، والتطبيق هينزل تلقائي لمستخدمين أجهزة “Apple” اللي طلبوا التطبيق قبل إطلاقه وده زي ما قالت وكالة “رويترز” للأنباء.
وهتنضم مجموعة ترامب للإعلام والتكنولوجيا برئاسة النائب الجمهوري السابق ديفين نونيس، واللي واقفة وراء مشروع (تروث سوشيال)، لمجموعة متنامية من شركات التكنولوجيا اللي بتسوق لنفسها على إنها مدافعة عن حرية التعبير ونفسها تجذب المستخدمين اللي بيحسوا إن أرائهم مكبوته على منصات مثل تويتر وفيسبوك ويوتيوب.
وكان من الواضح في الـ “سكرينشوتس” الموجودة على متجر آبل “App Store”إن تطبيق Truth Social الخاص بـ دونالد ترامب، هيكون فيه شبه كبير من موقع م”تويتر” الأمريكي، واللي كان الشبكة الاجتماعية المفضلة لترامب قبل ما يتم حظره نهائيًا من استخدامه.
وهيكون تطبيق Truth Social المحاولة التانية لترامب عشان يعمل نوع من النظام الأساسي للتواصل الاجتماعي، أول تجربة ليه كانت في شهر مايو اللي فات وكانت عبارة عن مدونة لكن اتقفلت في أقل من شهر.
ووفقا لوكالة رويترز فالتطبيق بيواجه بعض مشاكل التطوير، وبالرغم من إن ترامب لسه مايقدرش يستخدم أكونت تويتر، إلا أن دونالد ترامب الابن كتب تويت فيها سكرينشوت لأول منشور لـ Truth Social على تويتر، وقال “استعد سيراك رئيسك المفضل قريبا”.
