إيه هو تأثير الذكاء الاصطناعي على البيئة والمناخ؟

الأيام دي زي مانتوا عارفين.. نسبة كبيرة من الناس بيستخدموا الذكاء الاصطناعي عشان بقى يسهل عليهم كل حاجة كانت صعبة زمان.. سواء في الدراسة أو الشغل أو حتى في أبسط الحاجات زي الصور.. بس الموضوع اللي هتقرأه دلوقتي ده هيوريك جانب تاني من الـ AI وتأثيره على المناخ والبيئة 

1-  مراكز البيانات اللي بتضم خوادم الذكاء الاصطناعي بتنتج كميات كبيرة من النفايات الإلكترونية اللي بتحتوي على مواد خطيرة.. زي الزئبق والرصاص

2- نفس مراكز البيانات دي بتحتاج لكميات كبيرة من الطاقة لتشغيل أجهزتها الإلكترونية المعقدة.. وفي معظم الأماكن الأجهزة دي بتشتغل بالوقود الأحفوري.. فبتُنتج غازات دفيئة بترفع درجة حرارة الأرض

3- معظم تطبيقات الذكاء الاصطناعي بتتحط في مراكز البيانات الخاصة بشركات خدمات الحوسبة.. وجهاز الكمبيوتر اللي الـ AI بيشتغل عليه اللي وزنه 2 كجم بيحتاح 800 كجم من المواد الخام.. والمواد دي بتتجاب من عناصر أرضية نادرة.. وتصنيع الجهزة بيحتاج تعدين مكثف للطاقة والمعادن الأرضية وده بيسبب نفايات إلكترونية عالمية.. ففي سنة 2020 حجم النفايات وصل لـ 53.6 مليون طن متري وأُعيد تدوير %17.4 بس منها.. فمن المتوقع إن النفايات الإلكترونية توصل لـ 5 مليون طن بحلول سنة 2030

4- الخبير البيئي “حبيب معلوف” قال إن الصناعات الرقمية لما بتلجأ للطاقة المتجدة بيسبب نقص كبير فيها بالمستقبل

5- الرئيس التنفيذي لشركة OpenAI “سام ألتمان” قال إن كل استفسار بيرد “ChatGPT” بيستهلك 5 معالق صغيرة من المياه.. وطبعًا كل ما زادت اسئلتك لـ “ChatGPT” كل ما زادت درجة الحرارة كل ما احتاجت الخوادم لتبريد وبالتالي بيزيد استخدام المياه.. ودي مشكلة خاصة في ظل معاناة ربع سكان العالم للمياه النظيفة والصرف الصحي

6- أي طلب بتطلبه من الذكاء الاصطناعي بيتنفذ من خلال شوية رفوف ضخمة اسمها (مراكز البيانات).. والمراكز دي حرارتها بتزيد من كتر الاستخدام.. فبتحتاج لمياه نظيفة عشان تتبرد.. والمراكز بتبخر حوالي 80% من المياه وإطلاقها في الغلاف الجوي

7- الذكاء الاصطناعي بيعمل عمليات حسابية معقدة بتحتاج طاقة كبيرة بتعادل 7 أو 8 أضعاف اللي بيستخدمه الكمبيوتر العادي.. لأن كل إجابة الذكاء الاصطناعي بيقولهالك بيعمل منها نسخة احتياطية فبالتالي البصمة الكربونية (إجمالي غازات الاحتباس الحراري) بتزيد

وفي الآخر حاول تقلل تعاملك مع “ChatGPT” على إنه الثيرابست بتاعك وتقعد تسأله على الفاضي والمليان عشان الكوكب مش ناقص احتباس حراري ولا تلوث بيئي