10 أسباب بتخلي الورد دايما هدية مثالية
الورد هو الهدية المثالية في كل الأوقات وزي ما قولنا قبل كده إن كل مناسبة وليها نوع الورد المناسب ليها وكمان كل شخصية ليها نوع الورد المناسب، بس في العموم إحنا متفقين إن الورد في المطلق هدية مثالية تنفع في كل الأوقات وإن مفيش حد مابيحبش الورد.
الورد هدية بتلمس قلب أي شخص ومايقدمش مهما اختلف الزمن ومنتشرة في كل الثقافات بالرغم من اختلافهم.. ولإن الموضوع ده أثار فضولنا فدورنا وراه عشان نعرف ليه الورد هدية مثالية دايما ولقينا أسباب كتير وهما زي:
1- التنوع:
فيه عدد كبير وأنواع كتير من الورد ده غير إن فيه أنواع فرعية لكل صنف من الورد وفيه كمان في كل نوع ألوان كتير وبكده يبقى فيه تنوع كبير جدا فتقدر تختار النوع واللون المناسب للهدية.
عشان كده تقديم الورد بيعتبر حاجة مميزة لإنه مش هدية ثابتة وممكن تختار فيها وتبدع براحتك، وهيبان إنك قضيت وقت عشان تختار الهدية بدقة، وتقدر تغيير نوع الورد على حسب المناسبة.
2- فيه معاني:
كل نوع ورد وكل بوكية ورد بيبقى جواه رسالة سرية للطرف التاني اللي مبعوت له الورد، ودي فكرة ممتازة إن يبقى فيه بينك وبين حد لغة سرية، يعني لو بتحب حد هتبعتله ورد معين ونوع الورد هيوصله رسالة إنك بتحبه، ولو صحاب أو أصدقاء تقدر تقول للي بعتله الورد إنه أحلى صاحب عندك بمجرد اختيارك نوع ورد معين.. عشان تعرف أكتر عن الورد المناسب لكل شخص ممكن تقرأ مقالنا نوع الورد المناسب لكل مناسبة.
3- مابيقدمش ومالوش وقت:
بغض النظر عن العصر أو الزمن اللي بنعيش فيه فهدية الورد مابتقدمش أبدا، ومناسبة لكل الأعمار وفي أي وقت من السنة.
يعني لو فكرنا المفروض نجيب ورد في أي مناسبة هنلاقي ينفع في كل الأوقات (أعياد ميلاد، جواز، تخرج، ولادة، رأس السنة، ارتباط، صداقة، في الاعتذار، وحتى كمان في الجنازات).
4- ممكن تجيب معاه أي حاجة:
الورد ممكن يبقى عنصر أساسي في الهدية وجنبه حاجات تانية، يعني مثلا شوكولاتة أو فاكهة أو هدوم، وممكن ورد وبالونات، وممكن مجوهرات وممكن تقدمه في “ديت” فطار أو عشاء رومانسي.. أي حاجة هتيجي في بالك جنب الورد هتبقى فكرة هايلة ومناسبة للورد، ده غير إنه بيخلي الهدية تكون رومانسية أكتر.
5- ممكن تستخدمه للديكور:
لما تقدم لحد ورد فيعتبر بتقدمله عنصر للديكور في بيته، خصوصا إن الورد بيرفع من معنويات أي شخص، فهو أفضل طريقة عشان تخلي الشخص يحس بمشاعر لطيفة بمجرد ما يحط الورد في ركنه المفضل في البيت ويقعد جنبه وده لإن الزهور اللي ليها ألوان زاهية بتسبب حالة من البهجة، ده غير كمان إنها بتخلي ريحة البيت حلوة من غير ما تحتاج لمعطر.
6- صحي:
غير إن الورد بيرفع المعنويات عشان الشكل الجميل والريحة الحلوة فكمان فيه دراسات علمية بتقول إن فيه فوايد كتير ورا إن بيتك يبقى فيه ورد نضر والفوايد دي زي إنه بيطهر الأكسجين اللي بتتنفسه وبيمنح الشخص تركيز أكتر في أماكن العمل، وبيساعد الشخص على التعافي أسرع لو كان بيعاني من أي مرض.
7- أسعاره معقولة:
أسعار الورد معقولة بالنسبة لهدايا كتير، خصوصا كمان دلوقتي إنك تقدر تشتري الورد وتبعته وأنت قاعد في مكانك وده عن طريق موقع “Floward” اللي بيسهل عليك الاختيار والتوصيل وتقدر تختار كمان على حسب ميزانيتك وعلى حسب المناسبة.
8- بيستخدم بدل الكلام العاطفي أحيانًأ:
فيه ناس كتير مابتقدرش تعبر عن مشاعرها في بعض الأوقات وبتلاقي صعوبة في التعبير والكلام، وفي الحالة دي ممكن يستخدموا الورد كبديل عن الكلام العاطفي للتعبير عن اللي في قلوبهم.
من زمان والناس عارفة دور الورد في التعبير عن المشاعر خصوصا لإن الورد بيعبر وله أدلة كتير فمش لازم تقول معاه حاجة أو لو مصمم تقول ممكن تقول كلام بسيط لإن كده كده هو بيوصل رسالتك السرية زي ما قولنا قبل كده.
9- بيساعد على تغيير المزاج:
معروف إن الورد بيغير المزاج وعنده قدرة خارقة على تخفيف توتر الناس، من آخر مبادرات تم إثبات إن كل وردة بتسبب في تحسين الحالة المزاجية السيئة ورفع الروح المعنوية، وتم إثبات كمان إن تقريبا كل الناس بتبقى مبسوطة لما بيجيلهم ورد من شخص بيهتموا بأمره، وعلى جانب تاني بيبقى شئ حلو جدا إنك تدخل الإيجابية في حياة شخص بتحبه.
10- بيسبب الراحة والهدوء:
ريحة الورد بتسبب الراحة والهدوء للشخص وبتخليه بيتواصل أسهل، خصوصا لما تختار نوع ورد الشخص بيحبه وبيحب يشوفه وبيحب ريحته عشان كده كل اللي محتاجه إنك تركز في المعلومات الشخصية اللي قالك عليها أو تبقى عارف ذوقه كويس.
