اعرف إيه الورد المناسب لكل مناسبة 

الورد هو الهدية المناسبة لأغلب الأوقات والمناسبات اللي بنمر بيها في حياتنا، اللي بيتعب بنجيبله ورد ولو عيد ميلاد ممكن ورد، ديت وسهرة رومانسية برضه ممكن ورد، في الأفراح الورد معانا أساسي، ومن صغرنا متعودين إن أي هدية في عيد الأم لازم جنبها ورد أو على الأقل وردة لماما.

الورد تعبير مثالي عن المشاعر والعواطف، وعمرنا ما سمعنا عن وقت غلط تهادي فيه أي حد بورد، بس زي ما فيه فن اختيار الهدايا، فيه كمان فن اختيار الورد لإن كل نوع ورد وله معنى أو بيرمز لحاجة معينة وبالتالي كل مناسبة ليها نوع الورد المناسب ليها.. وبمناسبة إن موقع “فلاورد” بقى في مصر وتقدر تبعت لأي حد على مكانة ورد أنت بنفسك اللي مختاره ومحدد كل تفصيله فيه.

فهنقولك إزاي تستغل موقع “floward” أحسن استغلال وتختار نوع الورد المناسب لكل مناسبة من غير ما تتعب نفسك في حيرة واختيارات كتير:

1- عيد الأم:

من أكتر الهدايا التقليدية في عيد الأم هي الورد بس عمرها ما فشلت إنها تبسط أي أم لإنهم بيقدروها جدا.. أنواع الورد المناسبة لعيد الأم:

1- توليب: بيعبر عن معاني كتير وبتختلف حسب اللون، يعني مثلا الأحمر بيمثل الحب والرومانسية والوردي بيرمز للمودة والأبيض بيرمز للبهجة وممكن يتقدم للاعتذار.

2- زهرة الأوركيد: دي للأم العصرية اللي بتحب الموضة والألوان الجريئة، وممكن تجرب منها اللون الوردي.

3- القرنفل: وهي اختيار مثالي للأمهات اللي بيحبوا الكلاسيكيات.

4- الفاوانيا: الأبيض والوردي والأحمر والبنفسجي من الفاوانيا كلهم ألوان مناسبة للأمهات خصوصا إن ريحتها رائعة.

5- الورد الكلاسيكي: الورد الأحمر الكلاسيكي هدية ممتازة لعيد الأم بس تقليدي ومرتبط بالرومانسية، فممكن تختار اللون الوردي لإنه بيرمز للتقدير والحب والامتنان أو الأبيض أو الكريمي اللي بيرمزوا للنقاء.

2- أعياد الميلاد:

في الغالب ورد العيد ميلاد لازم يكون مبهج ومشرق لو كان لحد من قرايبك، أما لو شريكك فلازم يكون بيدي معاني رومانسية..  ودي أنواع الورد المناسبة للعيد ميلاد:

2- زهرة الأوركيد: بتدي معاني كتير زي الجمال والحب والقوة، وممكن تجيبها لمراتك أو صاحبتك في عيد ميلادها 

3- الورد الكلاسيكي: طبعا زي ما قولنا قبل كده الأحمر بيرمز للحب والرومانسية، والأبيض للنقاء والبراءة، أما الأصفر فبيعبر عن الصداقة والبدايات الجديدة، والوردي بيدل عن التقدير والإعجاب.. عشان كده لو عيد ميلاد حد من أصدقائك فمن الأفضل تجيبله ورد أصفر.

4- الـ”جلاديولوس”: بتعبر عن الإعجاب الشديد، وبتقول لمراتك أو صاحبتك إن بينكوا علاقة قوية ومشرفة.

5- الـ”جيربيراس”: بتمثل البراءة والبهجة ومناسبة للستات في أي عمر، وتنفع برضه هدية للأصدقاء.

3- شهر التوعية بسرطان الثدي:

لأكتر من 20 سنة شهر أكتوبر معروف إنه شهر التوعية بأمراض سرطان الثدي، والورد من أفضل الطرق لتكريم السيدات المصابة بسرطان الثدي ودعمهم كمان في محاربة المرض وكمان رمز الدعم لمصابي سرطان الثدي هو الريبون اللي لونها وردي.. ودي أنواع الورد المناسبة:

1- ورد الـ “Stargazer Lilies”: ودي أكتر أنواع الزهور اللي بتبين إظهار الدعم للتوعية بسرطان الثدي خصوصا بالألوان الوردي والأبيض، لإنها بتدل على النقاء والكمال وبترمز للأمل والتفاؤل وتحقيق الأحلام.

2- الورد الكلاسيكي الوردي: الورد الـ”بينك” مرتبط بالحب والأعجاب وبعض المعاني اللي بتخليه مناسب للتوعية بسرطان الثدي، خصوصا كمان إنه بيدل على الامتنان والتقدير

3- القرنفل الوردي: بيدل على إنك بتقول للشخص “أنا دايما هنا عشانك” ودي طريقة مثالية عشان تظهر حبك ودعمك لشخص مصاب بسرطان الثدي.

4- ألف سلامة عليك:

عادة أساسية عند كل الناس باختلاف الثقافات إن الشخص اللي بيتعب الناس اللي بتزوره بتبعتله ورد، وبدل ما تختار ألوان ورد حلوة ومريحة للعين بس اختار كمان ورد له معنى.. وده الورد اللي ممكن  “flower kingdom” قال على أنواع الورد اللي ممكن تبعته لحد عيان عشان تتمنى له الشفاء:

1- القرنفل: بيمثل الحب وبيدل على إنك بتتمنى للشخص التوفيق.

2- زهرة الـ “Asters”: هي شبه زهور الأقحوان وبتدل على التمنيات المبهجة بالصبر ده غير إنها أنيقة.

3- عباد الشمس: زهور سعيدة ومبهجة، والأصفر اللي فيها بيرمز للتفاؤل والعمر الطويل.

4- زهور الربيع: وده لإنها أسعد الزهور، وبترمز للبهجة.

5- الورد الكلاسيكي: وده لإنه بينقل معاني كتير على حسب لونه، فممكن اللون الأصفر والبرتقالي لإنهم بيدلوا على الإيجابية والتفاؤل.

6- زهرة الدهب: وده عشان بترمز الأزهار المبهجة دي للإخلاص والتفاؤل والفرح والعمر الطويل.

5- للتهنئة:

الورد برضه هو أحسن طريقة عشان تقول لحد برافو عليك أو مبروك أو تهنيه عموما على حاجة كان عايزها وأخيرا وصلها.. تعالى نقولك اختيارات الورد اللي تستخدمها وأنت بتهني حد:

1- التهنئة على التخرج: ممكن تختار الـ “lilies” البرتقاني لإنه بيمثل الطاقة والثقة والعاطفة والرضا في الحياة، وممكن برضه تختار زهور التوليب

2- التهنئة على مولود جديد: لو كان المولود الجديد ولد فممكن تبعت باقة ورد “iris” أزرق، أو ورد أصفر برضه 

أما لو كنت بتدور على ورد “بينك” أو بنفسجي فممكن تختار الـ “lilies” أو الـ”gerberas” أو ورد وردي عادي.

وممكن برضه تختار ورد أبيض لإنه زي ما قولنا قبل كده فهو بيرمز على النقاء والبراءة.

6- الفلانتين:

الشوارع أيام الفلانتين بتبقى كلها ورد ومناظر جميلة، وبقى تقليد عند أغلب الناس إنهم يعبروا عن حبهم لبعض بالورد.. بس مش شرط تعبر لشريكك عن حبك له في الفلانتين بس ممكن تقوله بحبك في أي وقت.. وده الورد اللي تقدر تعبر عن حبك بيه لشريكك:

1- الورد الحمراء: العاطفة

2- الورد الأبيض: الحب العفيف

3- الورد  الأصفر: الصداقة

4- الورد السيموني: الرغبة

5- الورد الوردي: الإعجاب 

6- زهرة الربيع: حب جديد أو البدايات جديدة

7- تقول آسف:

كلنا بنغلط وكلنا بنتأسف بطرق مختلفة، يمكن الورد بيبقى أذكى طريقة تقول بيها للشخص “أنا أسف”، بس مش أي ورد تقدر تقول بيه أنا آسف: دي أنواع الورد اللي تقدر تستخدمها وأنت بتتأسف:

1- الورد الكلاسيكي: لإنه بيرمز للحب غير المشروط والرعاية والتعلق، وأحسن أنواع الورد عشان تقول بيها أنا أسف مش لازم تستخدمه في عيد الحب بس، خصوصا لو بعته مع كارت صغير.

2- الـ “Lilies”: لإنها بتدل على التواضع والتفاني وهو أحسن نوع ورد تقدر تعتذر بيه لشريكتك خصوصا لو كان أبيض أو وردي أو أصفر لإنه هيعكس صدقك.

3- التوليب: بيعبر عن البدايات الجديدة والسلام والتسامح، وممكن تستخدمه للاعتذار لأي أنثى في حياتك لإنه بيعجب الستات جدا، ولو استخدمت الألوان البرتقالي أو الأصفر أو الوردي فدي ألوان بتدل على الأناقة وبتدل على إنه شخص مميز بالنسبة لك.

8- تقول شكرًا:

مش هينفع تدي لكل الناس رسايل رومانسية تقولهم فيها أنا متشكر إنك وقفت جنبي أو أنا ممتن لمساعدك، أوقات بيبقى أفضل تعبير عن كلمة “شكرًا” هو ورد حلو يفرح الشخص.. وبالنسبة لأنواع الورد اللي ممكن تستخدمها في الشكر هي:

1- الورد الكلاسيكي: لو هتقول شكرا لصديقك أو زميل عادي اتجنب بس اللون الأحمر وممكن تستخدم اللون الأصفر أو الوردي أو الأبيض.

2- الأوركيد: تعتبر الهدية المثالية لحماتك مثلا أو صديقك المقرب أو المدرس بتاعك، خصوصا إنه ورد ناعم وشكله حلو كمان.

3- التوليب: بشكل عام هي رمز للحب المثالي واللون الأصفر هو أحسن لون عشان تبين لشخص قد إيه أنت ممتن لمجهوده خصوصا لإنه ورد مبهج.

4-  الـ “Lilies”: بيدل على التواضع والإخلاص وبيعتبر هدية مثالية للتهنئة والشكر خصوصا بين الصحاب في المناسبات مثلا إنك تبعته لصحابك في الذكرى السنوية لعيد جوازهم.

5- زهرة الـ”Daisy”: بتمثل البراءة والمرح ومثالية للشكر.

بس خلاص كدة أنت على الطريق عشان تعرف تختار أحلى ورد لكل مناسبة.. ياترى هتجيب ورد لمين المرة الجاية؟!

المصادر:

1- موقع “farmers almanac”

2- موقع “edibleblooms”

3- موقع “central square florist”

4-  موقع “flower kingdom”

5- موقع “the spruce”

6- موقع “gaia flowers”

7- موقع “fresh flowers”