تعاون بين Call of Duty ومسلسل Attack on Titan.. وأخبار تانية في الملخص الأسبوعي لأخبار الجيمز
يا مساء الفل على مجتمع الجيمرز.. سواء كانوا من مستخدمين PC أو أجهزة الكونسول أيا كان Playstation أو Xbox، واللي هيحبوا أوي أول خبر هنبدأ بيه الملخص الأسبوعي بتاعنا.
لعبة Rainbow Six Extraction واللي هيتم طرحها يوم 20 يناير الجاري، تم الاعلان عن إن اللعبة هتشتغل بدقة عرض 4K وكمان 60 FPS أو 60 إطار في الثانية الواحدة خلال منصات الجيل الجديد من الكونسول PS5 و Xbox Series X.
وطبعا منصات الجيل القديم، فا اللعبة هتشتغل بدقة عرض “يا دوبك” 1080 و30 FPS.
أما بخصوص لاعبي الكمبيوتر، فا اللعبة هتوصل لدقة عرض 4K ومعدل إطار بيوصل لـ120 في الثانية.. وده اللي أكده مخرج اللعبة “برونو لالوند” خلال لقاء مع موقع mp1st.
ونستكمل كلامنا عن الألعاب العظيمة، بتعاون بين Call of Duty ومسلسل الأنمي الشهير Attack on Titan احتفالا بالجزء الأخير منه.
هيتم اضافة حزمة باسم “حزمة المتعقب – هجوم العمالقة” جزء من التعاون بين Call of Duty: Warzone و Vanguard وما بين مسلسل Attack on Titan، تقدروا تشوفوا تفاصيل أكتر من خلال اللينك ده
حسب موقع IGN في نسخته العربية، فا عدد من المحاكم في كل من الولايات المتحدة وألمانيا قرروا تعويض لصالح شركتي Tencent Games و Krafton مبلغ 10 مليون جنيه تعويضا عن الأضرار اللي سببها مصنعين برامج وأدوات الغش.
والشركات قالت إن المبلغ ده هيتم استثماره في أنظمة أقوى لمكافحة الغش، بالإضافة إلى أن الشركة هتحصل عن طريقة المحكمة على كل التفاصيل بخصوص برامج الغش للشركات دي وإزاي قدروا يخترقوا اللعبة.
خلال مؤتمر CES 2021، قال الصحفي ومقدم البرامج الكندي “جيف كيلي” ، إن 17 من استوديوهات Playstation شغالين حاليا على عدد من الألعاب لـPS5.
وأضاف كيلي من خلال تغريدة على حسابه في تويتر، إن صورة للاستوديوهات المشاركة بمشاريع Playstation المستقبلية.
والكلام عن CES 2021 منتهاش لحد هنا، نيل دروكمان الرئيس المشارك في استوديو Naughty Dog قال إن الاستوديو شغال على عدد من الألعاب في الوقت الحالي وإنه هيتم الكشف عنها قريب.
PlayStation’s Jim Ryan has now taken the stage at @CES pic.twitter.com/EosmEgmCO7
— Geoff Keighley (@geoffkeighley) January 5, 2022
