السر وراء حباية العيد

دايما لما بيبقى عندنا مناسبة مهمة مستنينها على الرغم من اهتمامنا بنفسنا والماسكات اللي بنعملها والفلوس الكتير اللي بندفعها فى ال skin care products بنلاقي ظهرلنا حبوب مستفزة فجأة من حيث لا ندري بتبوظ علينا اللحظة علشان كده فى المقالة دي هنقولكوا ليه بيطلعلنا حبوب قبل المناسبات المهمة طبقا لموقع NDTV

دكتور الجلدية Smiti Naswa Singh بيقولنا إن فى 5 أسباب هما السبب وراء الحبوب المفاجئة:

1-نظام الأكل الغير صحي:

لما بنلغبط فى أكلنا وبناكل fast food أو أكل مليان دهون بيأذي بشرتنا وطبعا اأحنا منتوصاش طول رمضان مقضينها أكل ملغبط ومستغربين الحبوب جت منين.

2- نسبة الدهون العالية فى الجسم:

طبعا الأكل اللي فيه دهون بيجيب دهون علشان كده دكتور Smiti Naswa Singh بيقول إن حوالي25 ٪ من البالغين عندهم حب الشباب المستمر بسبب زيادة إفراز الدهون فى الجسم.

3- عدم توازن الهرمونات:

لغبطة الهرمونات لأسباب طبيعية أو مرضية يعتبر عامل كبير فى ظهور الحبوب بشكل مفاجئ فعلشان كده لازم نتأكد إن هرموناتنا متظبطة.

4-القلق والتوتر: 

دايما المناسبات المهمة زي العيد والأفراح بيصاحبها قلق وتوتر لأننا بنبقى عايزين نطلع بأحسن شكل  بس للأسف التوتر ده بيسبب ظهور حب الشباب المفاجئ لأن صحتنا النفسية بتأثر على بشرتنا فحاول متوترش نفسك بقى.

5-الأدوية:

لو احنا بناخد أدوية تعالجنا من حاجة تانية نخلي بالنا هى أدوية هرمونية ولا لا لأن لو أدوية هرمونية أو فيها مادة الليثيوم ده هيكون سبب أساسي فى الحبوب فنركز كده علشان مانجيش نحل حاجة التانية تضرب مننا. 

فاحنا بقى نبدأ ناكل أكل صحي وغني بالفيتامينات ونقلل أكل مصنع ونهتم بنفسنا ومنعرضهاش للتوتر وجلد الذات علشان العيد الجاي نتحدى الحبوب و ندخل جامدين اوي.