انقطاع الكهرباء في إسبانيا وفرنسا والبرتغال واللي عمل عطلة للحياة اليومية للمواطنين

النهاردة الاثنين 28 أبريل حصل انقطاع شامل للكهرباء في إسبانيا والبرتغال وجزء من جنوب فرنسا.. وانقطاع في خطوط الهاتف في مناطق كتير

1- تأثير انقطاع الكهرباء

الانقطاع ده تسبب في شلل مروري وتأخير في رحلات الطيران وكمان توقف لحركة المترو والقطارات.. وبدأت السلطات الأسبانية تطلب من المواطنين يكلموا الطوارئ في الحالات الضرورية بس ويقللوا حركتهم.. أما الشرطة في البرتغال طلبت من السواقين مايعملوش أي رحلات غير ضرورية عشان خطر تعطيل إشارات المرور.. وشركات الطيران البرتغالية طلبت من المسافرين مايروحوش المطارات

2- إيه سبب العطل؟

سبب العطل غير واضح لحد دلوقتي واتقالت أسباب مختلفة.. شركة “إي- ريديس” المورد الوطني للطاقة في البرتغال قالت في بيان ليها إن الانقطاع ده سببه عطل في شبكة الكهرباء الأوروبية وده أثر على خطوط الجهد العالي “حسب The New york Times”.. وفيه بعض المسؤولين في أسبانيا قالوا إن ده ممكن يكون حصل بسبب هجوم إلكتروني “حسب رويترز”.. لكن “أنطونيو ليتاو أمارو” وزير الدولة لشؤون الرئاسة في البرتغال قال للإذاعة الوطنية إن مفيش أي دليل على وجود هجوم إلكتروني.. وده اللي أكده رئيس الاتحاد الأوروبي لما قال في المرحلة دي مفيش مؤشرات على هجوم إلكتروني “حسب The Telegraph”.. أما شركة “رين” المسؤولة عن تشغيل شبكة الكهرباء في البرتغال قالت إن التغيرات المناخية الشديدة في درجات الحرارة سببت ظاهرة جوية نادرة كانت نتيجتها انقطاع الكهرباء اللي حصل

3- الكهرباء هترجعلهم إمتى؟

قالت شركة ريد إلكتريكا.. مشغل شبكة الكهرباء في إسبانيا إن استعادة الطاقة قد تستغرق ما يصل إلى 10 ساعات.. وإنهم استعادوا الجهد في محطات فرعية في مناطق موجودة في شمال وجنوب وغرب شبه الجزيرة.. وشركة “رين” في البرتغال بتقول إنها شايفة إن عودة الخدمة لطبيعتها هياخد حوالي أسبوع