7 نصايح تحميك من الحر في الصيام

مع انتهاء فصل الشتاء.. الدنيا بدأت تحرر ومش مفهوملها حاجة مع
إن ده المفروض فصل الربيع والجو بديع والمفروض الجو يبقى رايق.. بس لحد مانفهم في إيه
دي شوية نصايح هتساعدك تحارب الحر وأنت نازل في الصيام كل يوم وفقا لموقع betterhealth

1- حاول تخلي بشرتك مبلولة على قد ما تقدر

2- حاول تاخد حمام بارد كل ماتحس بالحر وأبعد عن المياه السخنة

3- حاول تلبس هدوم قماشتها خفيفة ومش بتحرر وياريت تكون واسعة عشان ماتفرهدش من الحر وتلزق عليك

4- هى فكرة ثعبانية شوية بس حاول تقعد في أماكن مكيفة على قد ماتقدر سواء في مولات أو مكاتب عامة

5- حاول بقى تستخدم الستاير عشان تمنع الشمس وحاول تفتح الأبواب والشبابيك على قد ما تقدر

6- بما إننا في صيام هيكون صعب تشرب أكيد بس حاول تعوض ده بأنك تشرب كميات مياه كبيرة من الفطار للسحور عشان تحافظ على رطوبة جسمك

7- من الأخر كده ماتنزلش النزولات اللي مالهاش أهمية عشان ماتتعبش نفسك عالفاضي واعمل كده زي البطريق اظهر في موسم التلج بس والبرد وابعد عن الحر