في عيد ميلاد المخرج “محمد شاكر خضير” بنرشحلكوا مجموعة من أبرز أعماله

بمناسبة عيد ميلاد المخرج “محمد شاكر خضير” بنقدملكم ترشيحات لأعمال مختلفة عملها وبيتميزوا كلهم بالتنوع والاختلاف بعضها دراما وبعضها كوميدي وبعضها بيناقش قصص واقعية ..يعني أكيد حاجة منهم هتكون نوعك المفضل..

هاتولي راجل

هو التجربة السينمائية الأولى للمخرج محمد شاكر خضير وبيدور أحداثه في شكل كوميدي إزاي هيبقى شكل الحياة لو الستات والرجالة بدلوا أدوارهم.

طريقي

المسلسل بيحكي عن رحلة صعود دليلة ومحاولتها للوصول لحلمها في إنها تغني رغم كل العوائق اللي بتعدي بيها و بتقوم بدورها النجمة الكبيرة “شيرين” ..لمحبي الدراما والأعمال الميوزيكال هيعجبكوا المسلسل ده..

جراند أوتيل

لمحبي النوستالجيا والحاجات القديمة وفي نفس الوقت بيحبوا الإثارة والغموض هيعجبكوا المسلسل ده لأن أحداثه بتدور في الخمسينيات ويعتبر النسخة العربية من المسلسل الإسباني جراند أوتيل.

في كل أسبوع يوم جمعة

لمحبي أعمال الجريمة و التشويق هيعجبكوا المسلسل ده .. بيحكي عن ليلى وعماد اللي بنشوفهم كل يوم جمعة بيرتكبوا جريمة جديدة بس ياترى إيه السبب؟

واحد تاني

فيلم كوميدي من بطولة النجم “أحمد حلمي” بيحكي عن مصطفى اللي حاسس إن حياته روتينية ومش زي ماكان متخيلها وبيعرف عن إختراع بيغير حياته خالص 180 درجة.

تحت الوصاية

المسلسل دراما ومن بطولة النجمة”منى زكي” ويعتبر من أهم المسلسلات في 2023 لأنه عرض مشكلة مهمة بتواجه سيدات كتير  بيربوا أولادهم لوحدهم بعد وفاة الأب وإزاي المجتمع بيصعب عليهم حاجات كتير