في ذكرى ميلاد “سلطانة الطرب”.. بلاي ليست من أغاني منيرة المهدية

النهاردة 16 مايو ذكرى ميلاد “سلطانة الطرب” منيرة المهدية 

منيرة المهدية من مواليد 1885.. اسمها الحقيقي “زكية حسن منصور”.. مطربة بدأت الغناء في القهاوي.. لحد ما أسست مقهاها الخاص اللي مع الوقت بقى ملتقى صفوة المجتمع من أدباء وفنانين ومفكرين وسياسين.

تعتبر منيرة أول ست مصرية تقتحم مجال التمثيل والمسرح الغنائي سنة 1915.. وقفت على خشبة المسرح وقدمت أدوار تمثيلية مختلفة.. ومع نجاحها الكبير فتحت المجال لدخول ستات مصرية تانية للمسرح.

كانت بتغني الليالي والمواويل وقدمت أوبرات ومسرحيات عالمية كتير.. وقال عنها نجيب محفوظ: “من أجمل الأصوات النسائية التي عرفتها مصر”

وبمناسبة ذكرى ميلادها عملنالكوا بلاي ليست بمجموعة من أغانيها:

الحب دح دح 

والنبي يامه تعذريني 

أنا رأيت روحي في بستان 

بعد العشا

اشمعنى يا نخ الكوكايين نخ 

حبك يا سيدي

أسمر ملك روحي

بصارة براجة 

مارش البرلمان

اتمخطري يا حلوة يا زينة

ليلة في العمر مفيش منها

ارخي الستارة اللي في ريحنا

متخافش عليا انا واحدة سجوريا

يمامة حلوة