إيه هو التخاطر الروحي؟.. وإزاي تقدر تمارسه وتتدرب عليه!

عمرك فكرت قبل كده في شخص وبعدين لقيته بيبعتلك رسالة أو بيتصل بيك وبيقولك إنك كنت على باله؟ غالبًا بتبقى صدفة بتضحك وبالرغم إن جملة كنت لسه في بالي بقيت جملة مبتذلة ناس كتير بتقولها عشان تبين إنها كانت بتفكر في الشخص بس لما بيحصل الموقف ده بجد بتتخض شوية ويمكن ده بيبقى التخاطر اللي بيقولوا عليه.

أول مرة تم صياغة مفهوم التخاطر كان سنة 1882 من عالم النفس “فريدريك دبليو إتش مايرز” وبالرغم من إنه يعتبر لسه بالنسبة لناس كتير علم مزيف، إلا إن فيه دراسات كتبر أثبتت فعاليته بنسبة محتملة.

وبعد انتشار ميم الفترة اللي فاتت بيتكلم عن التخاطر وكتاب شمس المعارف أكيد سألت نفسك يعني إيه بالظبط التخاطر ده

موقع “hellogiggles” قال في واحد من مقالاته إن تعريف التخاطر هو القدرة على توصيل الأفكار بوسائل تانية غير الحواس الخمسة اللي بيتعلمها الأطفال في المدرسة اللي هما  “النظر والسمع والشم والتذوق واللمس”.. دافيدا رابابورت بتقول للموقع  إن التخاطر هو طريقة غير لفظية للتواصل مع ناس تانية. “وممكن يبقى فيه شخص بيفكر في شخص ما وبيحاول يبعتله، وممكن الطرف التاني ده توصله الرسالة اللي هي الفكرة دي وممكن يحس بيها.

وده بيفسر ليه لما بتفكر بشكل عشوائي في صديقكك بتاع الكلية مثلا بيبعتلك رسالة بعدها، أو لما تتصل بحد من قرايبك ويقولك كنت لسه في بالي.

السبب اللي الناس بتستخدم فيه التخاطر بيبقى عشان توصل أفكار أو رسايل بحاجات هما مش عارفين يقولوها أو يكتبوها يعني مثلا غلط إنك تبقى بتكلم الإكس أو تبعتله رسالة بس لسه في حاجة محشورة في زورك عايز تقولها.

موقع “hellogiggles” قال برضه إزاي الشخص يقدر يمارس التخاطر وقبل ما يقول الخطوات قال إنه زي أي مهارة أو موهبة وبيجي بالتعود وبيتطور ومن الأفضل إنه يكون مع ناس أنت متعود تتعامل معاهم باستمرار وفيه تواصل بينكوا زي أهلك وصحابك أو الشخص اللي مرتبط بيه.. وقال الموقع إزاي تمارس التخاطر في الخطوات دي وهما:

1- تأمل:

اقعد في حالة تأمل واتخيل الشخص اللي عايز تتواصل معاه كأنه واقف قدامك، تخيل إنك بتبعت للشخص ده الحب أو الامتنان أو الشعور بالإلحاح وخد الشعور ده وشوف هل الطاقة دي قدرت تتنقل له ولا لا.

2- ابعت رسايل صغيرة لشخص يهمك:

ابعت رسايل صغيرة لشخص بيهمك عشان تعزز اتصال توارد الخواطر في الأحلام ، “Mystic “Michaela بتقول إن قبل ما تروح في النوم اطلب من نفسك إنك تزور وعيهم وتوصلهم رسالة ، وابدأ في إرسال رسايل للشخص من خلال أفكارك وحالتك الذهنية، واطلب منه إنه يتواصل معاك في حين إنه استقبل الرسالة اللي بعتها.

3- استعد للرد من الطرف التاني:

“Mystic Michaela ” بتقول إنك هتتفاجئ بمكالمة أو رسالة في اليوم اللي بعده وممكن يقولولك إنهم كانوا حاسين إنهم مضطرين يتواصلوا معاك، وممكن يسأل بشكل عشوائي كل حاجة كويسة ولا أنت محتاج حاجة؟ ولو شخص مش موجود في حياتك اليومية ممكن يبقى التواصل أقل شوية زي إنه يعملك لايك على حاجة على السوشيال ميديا مثلا أو يبعتلك ويبدأ معاك كلام.

4- خليك صبور:

الأهم من كل ده “رابابورت” بتقول إنه مهم تبقى صبور وبتقول إنها زي إنك تتعلم مهارة جديدة ، الموضوع هياخد وقت عشان تتقنها،  الأفكار قوية  عشان كده التكرار مفيد.. لكن بعض الأشخاص بيبقوا المرسلين أحسن من مستقبلين، وفيه ناس العكس وفيه ناس بيرسلوا وييستلموا كويس.

Related Articles

Back to top button