أغبى 30 سؤال اتسألوا على الإنترنت 

عادة كل قعدة أو كل جروب صحاب فيهم شخص طول الوقت عنده مخزون من الأسئلة الغبية اللي أكيد ماحدش بيعرف يرد عليها، ومع تطور الحياة وإن أي حد بقى يحب يسأل في أي مجال أو أي حاجة في الدنيا بيدخل يسأل جوجل لإنه عنده رد على كل حاجة وبيساعد أكتر من البشر ومابيسفش على الأسئلة مهما كانت مختلفة أو غبية، ففيه ناس كتير أوي بتسأل جوجل عن كمية حاجات مش منطقية.. وموقع “american express” وموقع “briefly” جمعوا أكتر أسئلة غبية اتسألت على جوجل وهما زي:

1- لو الحيوانات بتتكلم إيه أكتر فصيلة هتكون قليلة الأدب؟

2- هل فيه طيور في كندا؟

3- إيه اللي هيحصل لو لونت سناني بالمناكير الأبيض؟

4- هل هيكون فيه نقص فعلا في البيكون بداية من 2013؟

5- إيه ريحته أسوأ القطط ولا الكلاب ولا البول البشري؟

6- فرد الشرابات الضايعة بتروح فين لما بتختفي؟

7- إيه نوع الخنازير اللي بياكل الناس؟

8- قد إيه من الوقت النملة بتحتاجه عشان تغرق؟

9- هل لعاب البقر بيعالج الصلع؟

10- إيه أغبى 10 أسماء أطفال ؟

11- إيه المصطلح الطبي لما تبقى الشرايين والأوردة مسدودة بالكامل؟

12- قد إيه عدد الناس اللي رموا موبايلاتهم في التواليت؟

13- هل NASA هي اللي اخترعت العواصف الرعدية عشان تغطي على صوت معارك الفضاء؟

14- هل أكل الهوت دوج بيغيير صوتك؟

15- هل البنات من جنوب كاليفورنيا بلاستيك؟

16- إيه اللي بيحصل لما ماتروحش “انترفيو”؟

17- فيه سلحفاة عضتني وأنا صغير.. هل أقدر أشرب عصير برتقال؟

18- هل البيض فاكهة ولا خضار؟

19- هل الدقيقة والـ 60 ثانية زي بعض؟

20- لو أكلت نفسي هل هبقي أكبر مرتين ولا هختفي تمامًا؟

21- امتى 11 سبتمبر حصلت؟

22- هل النظر لصور الشمس بيتعب العين؟

23- هل فعلا أقدر أخس عن طريق فرك بطني؟

24- لو دخلت على ايميل الشغل بالكمبيوتر الخاص بتاعي هل يقدروا في الشغل يشوفوا كل حاجة من خلال الكاميرا؟

25- هل فيه أي احتمالية إن 2= 2 يبقوا بيساوا 5؟

26- هل قتل النمل غير قانوني؟

27- لو أهل باتمان ماتوا، فإزاي هو اتولد؟

28- إيه اللي بيحصل للناس اللي اتولدوا في 29 فبراير؟

29- هل طبيعي أغلي السماعات بتاعتي؟

30- عايز حروف جديدة في الأبجدية

Related Articles

Back to top button