حوار مع مي سلامة شريك مؤسس في “Creative Summit” 

ملتقى صناعة الإبداع (C-S) أعلن إن تم إنطلاق نسخته الــ 12، واللي هدفه هو تعزيز الإبداع في مصر والشرق الأوسط، الملتقى السنة دي هيكون في فندق “نايل ريتز كارلتون” في القاهرة، وفعالياته هتم على مدار 4 أيام بداية من 28 نوفمبر إلى 1 ديسمبر.. وبسبب شهرة الملتقى الواسعة وتأثيره السنوي عملنا حوار مع شريك مؤسس للملتقى مي سلامة عن ملتقى “Creative Summit”.

قوليلنا ازاي الـ C-S السنة دى مختلف عن السنين اللي قبل كده؟

السنة دي Creative Summit مختلف عشان كل سنة بيبقى مكون من مسرحين وبعض الأنشطة السنة دي فيه احتفال  أربع أيام عندنا خطط في 23 تراك زي “موسيقى، الصحة النفسية، وإدارة الايفينت، والرياضة، وتمكين المرأة، و”الأدفرتيسينج”) وفيه كمان عروض وورش

والايفنت هيقفل بحفلة بالليل الساعة 6 والايفنت هيبقى عامل زي الفيستفال، عندنا 4 أربع أيام قبل كده كان يومين بس.

ومضينا مذكرة تعاون مع غرفة التجارة في الرياض عشان نعرفهم على الإبداع المصري ونشوف التقدم اللي هما فيه في الإبداع اللي بدأ من سنوات عندهم وده غير كمان إن هيكون عندنا تراك من الـ 23 تراك اسمه  “ksa CREATIVITY” 

من واقع خبرتك  خلال الـ 20 سنة اللى فاتوا تقولي ايه لجيل الشباب الصاعد عن الإبداع ؟

الإبداع هي أداة أساسية للتطور في هذا العالم.

ليه بتعتقدى إن الإبداع أو creativity مهارة أساسية وإزاي نقدر ندمجها  فى ممارستنا اليومية؟

مش أنا اللي بعتقد كده، قريت قبل كده إن في 2020 اللي ما عندوش مهارة الإبداع مش هيقدر يستمر في كل المجالات لأنها الأساس.. كل حاجة حوالينا مختلفة ولازم نبقى كريتيف عشان نقدر نتميز عن غيرنا.

أنتوا شركة لها باع فى تنظيم المحافل والمؤتمرات وبرغم كده فى شركات منافسة في المجال هيتم استضافتها لمناقشة كيفية إدارة المحافل دي…إيه تعليقك؟

إحنا اللي عملنا كده..لإننا عملنا منصة بتشمل كل المختلفين في المجال عشان نناقش ونتعاون.. في أي مؤتمر في العالم الناس بتقعد تتناقش عشان تتطور.. إحنا دايما بنقول على المكان بتاعنا مش مبني على آرائنا الشخصية بل مبني على اللي يفيدنا كلنا.. وعشان كده المنافسين قاعدين معانا وبيتكلموا وإحنا قعدنا كل السنين اللي فاتت عشان السمعة دي.

عدد الحاضرين المتوقع قد إيه؟

فوق الـ 3 ألاف شخص تقريبًا متوقع إنهم يحضروا Creative Summit 2021.  

برغم إن القائمين على تنظيم الحدث سيدات إلا أن عادةً الرجالة هما اللي مسيطرين على مجال الصناعة الإبداعية، عندك تعليق على ده؟

الصناعة الإبداعية مش بس إعلانات وميديا إحنا بنتكلم عن “الكريتيف ايكونومي” فبالتالي ممكن تبقى في ا”لأرت دايركشن” أو البناء أو المحاسبة أو في الرياضة.. ودي بيتبني عليها بلاد.. فكل الشغلانات دي فيها ستات ورجالة، أما في الميديا هتلاقي برضه الستات أكتر من الرجالة لكن اللي بيبان في الصورة هما الرجالة عشان الإدارة، فلا هي صناعة مش محتكرة من الرجال.. وإحنا التيم كله ستات بس ده من غير قصد إحنا بنشوف الأحسن وبنجيبه.. ومش بنهتم بالجنس.. بنهتم بمين مبدع ويقدر يضيف للشركة.

إيه هي الموضوعات اللي هتتم مناقشتها في الـ Creative Summit واللي بتعتقدي إنها مهمة في الوقت الحاضر؟

الموضوعات كتير أوي.. إحنا بنتكلم في الموسيقى وحقوق الملكية، بنناقش الـ”ميوزك فيديو” والـ”كونتنت” اللي له قيمة وصناعة المحتوى والإخراج والـ “مينتال ويلنس” وإزاي المكتب ممكن يكون المكان اللي مش بتتعب فيه نفسيًا، وإزاي نحوله كده.. إحنا واخدين الـ 32 محور من ناحية الإبداع.. وبنتكلم على الاقتصاد الإبداعي أو الـ Creative economy، المواضيع كتير جدا وكلها أهم من بعض، وبنتكلم على الـ Start Ups بتاعت مصر اللي بتكبر عالميًا كمان.

إيه هي الاحتياطات اللي واخدينها عشان COVID-19؟

عاملين مساحات في الأماكن، هيبقى فيه ماسكات،ومعقم ايد وهتتوزع على كل واحد داخل، والأماكن كلها هتتعقم والكثافة في القاعة هتكون قليلة جدا.

اوصفيلي الـ Creative Summit في جملة واحدة؟

It’s the celebration of creativity (هو احتفال بالإبداع)

Related Articles

Back to top button