اعرف إيه الفرق بين البيض الأورجانيك والبيض العادي

من صغرنا وإحنا عارفين إنه للبيض فوايد كتير، وكمان ده الطبق الأساسي اللي يا بتفطره في البيت يا بتطلبه على عربية الفول اللي تحت بيتك.. ومليان فوايد صحية كتير زي ما باباك وماماتك قالولك وأنت صغير مرورا بالكوتش بتاعك في الجيم اللي بيقولك إديها بيض على قد ما تقدر عشان مليان بروتين والمعلومات دي كلنا عارفينها.. ولكن الموضوع الأساسي اللي بنتكلم عنه النهاردة إنه هل في فرق بين البيض العادي والبيض العضوي أو ما يعرف بالأورجانيك؟

الإجابة هي أه، حسب موقع Healthline، فا البيض العادي اللي بنلاقيه في السوبر ماركت وبنضربه على عربية الفول الصبح، ده بيجي من فرخة تغذت على حبوب أو أعلاف فيها اضافات زي فيتامينات ومعادن ولكن البيض الأورجانيك بيجي من فرخة كل أكلها طبيعي ومدخلش فيه أي مواد كيميائية وأورجانيك.. بكل بساطة.

طيب هل مهم أوي البيض يكون أورجانيك؟ حسب موقع Heathline، البيض الأورجانيك ممكن يكون صحي أكتر من العادي ولكن العادي مش هيموتك يعني في النهاية البيض كله واحد وصحي ومغذي.