اعرف شخصيتك من نوع الجزم المفضل بالنسبة ليك
كل شخص مننا له نوع جزم مفضل بالنسبة له بيبقى صعب عليه يغيره وبيبقى مقتنع إنه لايق عليه، فيه ناس بتقرر ده على حسب راحتها وفيه ناس بتقرر ده على حسب شكلها أو شكل رجلها بالتحديد، وفيه ناس بتبقى صعب تغير نوع الجزم المفضل بالنسبة لها حتى في المناسبات بيحسوا إن خلاص ده الستايل اللي لايق عليهم.
بس عموما موقع Rd قال إن خبراء الفاشون والموضة قدروا يحللوا شخصية كل شخص على حسب ستايله وخصوصا ستايل الجزم اللي بيفضله:
1- الناس اللي بتفضل الجزم اللي بكعب عالي شخصيتها بتتحمل المسؤولية:
وقت حدوث الأزمات هنلاقي دايما إن الشخص اللي بيتحرك وبياخد موقف في الأزمة هما الأشخاص اللي بيلبسوا جزم بكعب، كمان هما شخصيات بتحب تتحكم في الموقف، وبيتقدموا بسرعة وعندهم قدرة على اتخاذ القرارات، وفي الغالب الناس اللي حوالين الست اللي بتلبس جزمة بكعب عالي بيحسوا بالأمان إنها في حياتهم.
2- الناس اللي بتفضل الكوتشهات بيركزوا على أهدافهم:
الأشخاص اللي بتفضل الكوتشيهات هما اللي بيبقى عندهم تحديات في اللياقة البدنية أو اللي بيحطوا أهداف أول كل سنة عشان يحققوها على آخر السنة، وبيكون شخص واثق جدا من نفسه وبيحاول يحقق أهدافه في صمت ومنظم جدا ده غير إنهم أشخاص متعددين المهام وبيحبوا يعتنوا بحاجاتهم.
3- الناس اللي بتفضل تلبس الجزم “الفلات” هما اللي بيكونوا ورا الكواليس:
لو كنت شخص بتلجأ أغلب الوقت إنك تلبس الجزم “الفلات” فإنت غالبا الشخص اللي بتبقى ورا الكواليس عشان تضمن إن كل حاجة معمولة تمام دايما وشخص متواضع لإنك مش عايز ظهو ر أو تقدير وكمان شخص كريم، وفي الغالب الستات في العالم كله هما اللي بيقوموا بالدور ده.
4- اللي بيلبسوا كعب عالي رفيع مدمنين شغل
الستات اللي من النوع ده بيشتغلوا كمية شغل محدش يصدقها، عندهم دوافع كبيرة وإرادة وعندهم استعداد يقولوا نعم أكتر من لو قالوا لا، دايما مستعدين ومرنين لإنهم بيبقوا قابلين الاحتمالات، أي احتمالات، وبيحبوا الجمال وبيقدروه عشان كده بيخلي فيه حاجات حواليهم كتير جميلة سواء كانت أشياء أو أشخاص.
5- اللي بيلبسوا جزم سيفتي أو “بوت” هما شخصيات بتطلع للأحسن:
بيحبوا يخططوا للمستقبل ومش متهورين وبيحبوا يحللوا الأمور خصوصا في طريقة تعاملهم مع الحياة، وبكده هما بيبقوا دايما عاملين حسابهم في العواقب اللي ممكن تقابلهم لإنها بتبقى متوقعة بالنسبة لهم، ده غير إنهم بيبقوا أشخاص عملين ومابيتحركوش من غير استراتيجية.
6- الأشخاص اللي بيفضلوا الشبشب هما أشخاص هادية ومسترخية:
الناس دي هما ناس هادية وسهل جدا توصل لهم، وبيسيبوا نفسهم للحياة توديهم وتجيبهم، دع غير إنهم مابيحبوش يغضعوا للقيود الإجتماعية وبيفضلوا يعملوا اللي بيسعدهم أيا كان إيه هو، وكمان هما أشخاص غير تقليدية ومستعدين لتقبل أي حاجة، ده غير إنهم أشخاص عفوية ومابيشغلوش بالهم بالتخطيط الكتير.
