موضوع مايهمكش: 10 معلومات ماتعرفهاش عن الساندويتش

العيش في الأكل من أهم المكونات اللي بناكلها كل يوم ويمكن ساعات بيبقى في كل وجبة، في الوقت اللي اتطورت فيه البشرية وبدأ عصر السرعة ومابقاش عندهم وقت يغمسوا بالعيش وظهرت السندوتشات، وده سمح للبشرية إنهم يجربوا أكلات كتير ويعكوا أكتر ويعموا أي حاجة وياكلوا في نفس الوقت.

أكيد زهقت في يوم من ساندوتش الجبنة وقررت تجرب تحط أي حاجة في رغيف “حرفيًا” وتشوف طعمها هيبقى عامل إزاي، أكيد برضه السندوتشات عدت معاك بكل مراحل حياتك من “كي جي” لحد الشغل وأنت قاعد تتفرج على فيلم وأنت زهقان وأنت جعان وأنت سقعان، وبعد ما بتاكلها بتسأل هو العالم كان هيبقى عامل إزاي من غير اختراع الساندويتش ده؟.. وبمناسبة يوم الساندويتش موقع “getsurrey” قال في مقال له 10 حقايق عن الساندوتشات ممكن ماتبقاش عارفها قبل كده:

1- يقال إن اسم الساندويتش اتسمى على اسم رجل بريطاني وهو “جون مونتاغو – John Montagu وكان لقبه إيرل السندويتش الرابع عاش في الفترة بين (13 نوفمبر 1718 – 30 أبريل 1792)

2- أول ساندويتش اتعمل كان ساندوتش “بيف” واللي عمله استخدم شريحتين عيش محمص وكان سنة 1762 وكان في Steak Club  في لندن.

3- في إنجلترا بس كل سنة بيتم تناول حوالي 12 مليار ساندويتش سنويًا.

4- أكبر ساندويتش اتعمل في العالم وزنه كان حوالي 2467.542 كيلو واتعمل سنة 2008 في إيران عشان يتحطم الرقم القياسي لأكبر ساندويتش في العالم، بس فشل لإن الجمهور اللي كان قدامه كله قبل ما يتم قياسه.

5- أغلى ساندويتش في العالم  عمله شيف اسمه “توم بريدج”، واتباع ساندويتش “Lancaster Cheese” على موقع eBay سنة 2006 بـ 345 جنيه إسترليني.

6- أول مرة كان يتم الإشارة وتعريف معنى كلمة “bacon sandwich” في قاموس أوكسفورد الإنجليزي كانت سنة 1931 وعن طريق جورج أورويل.

7- ساندويتش برضه هي اسم “كنت”بالرغم من إن الاسم مالوش أي علاقة مباشرة بالساندويتش

8- الأمريكان بياكوا أكتر من 300 مليون ساندويتش في اليوم ودي إحصائية مذهلة لأن فيه أكثر شوية من 300 مليون أمريكي.

9- 60% من السندويتشات اللي بتتباع في السنة على مستوى العالم هي الهامبورجر 

10- أكبر ساندويتش مكون من طبقات كان معمول من 60 طبقة واللي عملته شركة اسمها “DiLusso Deli Company” في أمريكا في 22 أكتوبر سنة 2016.