موضوع مايهمكش: 9 حقايق ماتعرفهاش عن البط الأصفر المطاطي

بمناسبة إن يوم 13 يناير هو يوم البط الأصفر المطاطي اللي بيقعد معاك في البانيو ده لحد دلوقتي في سنك ده (مع إنه المفروض يبقى قاعد مع أطفالك) وبما إنها لعبة ممتعة والكل بيحبها فخلينا نعرف شوية معلومات وحقايق ماتعرفهاش عن البط الأصفر المطاطي اللعبة حسب ما قال موقع “cbc” وموقع “interesly”:

1- مش كل البط ده بيطفو:

البط الأصفر ده تم اختراعه في أواخر القرن الـ 19 لإن الأطفال كانوا بيخافوا يقعدوا في البانيو واللعبة دي ماكنتش معمولة عشان تعوم جنب الأطفال في البانيو بس كانت عشان الأطفال يمسكوها ويستخدموها كعضاضة فكانت أصلب واتقل من كده.

2- البطة الصفرا ماكنتش موجودة دايما:

فيه نحات اسمه “بيتر جانين” في الأربعينيات هو اللي قام صناعة البطة الصفرا فمكنش للبطة الصفرا المطاطية دي وجود في العالم أصلا والنحات ده هو اللي حصل على براءة اختراع البطة دي لحد ما باع منها أكتر من 50 مليون بطة.

3- الملكة إليزابيث التانية عندها بطة صفرا مطاطية:

في 2001 صحيفة The sun البريطانية قالت إن الملكة إليزابيث عندها في الحمام بتاعها بطة.

4- البطة المطاطية مصنوعة من إيه:

بالرغم إن اسمها بطة مطاطية إلا إنها مصنوعة من البلاستيك.ز

5- فيه أغنية عن البطة الصفرا المطاطية:

في مسلسل الأطفال العالمي المشهور “Sesame street” غنالها شخصية من شخصيات المسلسل لدرجة إن الأغنية انتشرت جدا في السبعينات وكانت متصدرة قوائم الموسيقى كمان واترشحت لجايزة “جرامي”.

6- فيه شوية بط ضاعوا بيساعدوا العلماء:

فيه 8 ألاف بطة ضاعوا في المحيط الهادي من سنة 1992 ولسه بيظهروا في بعض الشواطئ لحد دلوقتي وبيطلقوا عليهم لقب العوامات الصديقة، وفيه بطة منهم عدت بـ 3 محيطات وعامت 15 سنة وتم العثور عليها في الساحل الغربي لاسكتلندا، وفي 2003 عرض موزعين ألعاب في أمريكا مكافأة  100 دولار لكل بطة حد هيلاقيها، ولكن عموما البط ده بيساعد العلماء عشان يعرفوا معلومات أكتر عن الأمواج وتيارات المحيط.

7- فيه بطة مطاطية عملاقة بحجم مبنى:

سنة 2014 فيه راجل أمريكي بني أكبر بطة مطاطية في العالم ارتفاعها حوالي 19 متر قد ارتفاع مبنى طوله 6 أدوار وبتلف في البحر حوالين العالم وبتقف في مواني كتير وبتستخدم في المهرجانات عشان تجذب انتباه الناس بحجمها الكبير.

8- فيه سباقات بط مطاطي أصفر:

الناس في العالم بيعملوا سباقات للبط المطاطي عن طريق إنهم بيروحوا أماكن فيها مياه جارية وببيحدفوا البط بتاعهم والبطة اللي بتوصل لخط النهاية الأول بتكسب وبتكسب صاحبها.

9- فيه واحدة بتمتلك أكبر مجموعة بط في العالم: