موضوع مايهمكش: جمعنالك 8 حاجات بنتعلمها من الساقية

بما إننا حاسين بيك وعارفين إنك بتلف وتدور وترجع في مكانك تاني حبينا نجمعلك شوية حاجات بنتعلمها من الساقية وبتمثلنا في حاجات كتير في حياتنا..

1-بتعلمنا إننا بنلف في دواير والدنيا تلف بينا ودايما ننتهي لمطرح ما ابتدينا

2-بتعلمنا إن مفيش راحة لحد ما وقت الشغل يخلص

3-أوقات بتبقى فوق وأوقات تحت ولو بقيت فوق مسيرك هتنزل تحت والعكس

4-إن الرجوع لنقطة الصفر والبداية من جديد ده شئ وارد وأحيانا ضروري

5-بتعرفنا إن مهما شوفنا انبهارات ماننساش مجهود التروس الصغيرة اللي تعبت وطلعت النتيجة دي

6-بتعلمنا إن الصغيرين والشباب والكبار كلهم بيلفوا.. كلنا في نفس الساقية

7-بتعلمنا إن وأنت صغير ممكن ماتحبش الساقية عشان بتبقى عايز كل حاجة تكون سريعة.. لكن لما تكبر بتحبها عشان بتبقى عايز الهدوء والراحة

8-بتعلمنا نستسلم لروتين يومنا ونعيده تاني من غير ماندبدب في الأرض