10نصايح هتساعدك ما تتعصبش على اللي حواليك

أوقات لما بنكون متضايقين بنطلع غضبنا كله على الناس اللي حوالينا وبشكل ما بنطلع طاقة الغضب دي على شكل خناقات معاهم وهما مالهومش ذنب أصلا.. وده بيخلينا يا أما بنكبر المشاكل اللي عندنا أكتر ومابتتلمش أو بنتأسف ونعتذر في الأخر عشان بنطلع غلطانين فعلا.. وعشان نتجنب الطريقة دي في التعامل مع الناس القريبين مننا في الموضوع ده هنقولك شوية نصايح تساعدك تفضل هادي وفقا لموقع healthline 

1-حاول تعد الأرقام بشكل تنازلي:
أبدأ بعد رقم 100 وعلى ماتوصل للأرقام الأصغر هتكون هديت

2-خد نفسك:
أتنفس بالراحة خالص للحظات لحد ما تبقى اهدى

3-أتمشى شوية وأعمل تمارين:
المشي والرياضة من الحاجات اللي بتساعدك على تهدية أعصابك
وكمان الاسترتشات

4-أقعد في مكان هادي وأسترخى:
غمض عينيك وخلي عضلاتك تسترخى وتخيل نفسك في مكان مريح وركز في تفاصيله لحد ما تهدا

5-شغل موسيقى هادية وأقعد ساكت شوية:

السكوت هيديك فرصة تجمع أفكارك وتفكر صح قبل ماتتكلم وتكون لوحدك بعيد عن الناس والمزيكا هتساعدك تبقى هادي أكتر خاصة لو مزيكا بتحبها

6-حاول تستغل غضبك في شيء إيجابي:
زي إنك تطلع طاقتك في مساعدة شخص أو في شغلك أو أي نشاط صحي

7-حاول تكتب اللي مضايقك:
الكتابة من أكتر الحاجات اللي بتساعد في تقليل الغضب وإنك تركز في الحاجات وتحاول تقييمها صح

8-حاول تلاقي حل فوري:

الحاجة اللي معصباك أبعدها عنك وأعمل نفسك مش شايفها وماتركزش فيها مؤقتا لحد ما تهدا

9-حاول تدرب على ردود أفعالك:
فكر لما تتعصب بعد كده عايز رد فعلك يبقى إزاي واتمرن عليه هتلاقي نفسك بتعرف تتعامل بعدين

10-حاول تلاقي حاجة تساعدك تضحك:
أعمل سيرش عن طرق للضحك أو ألعب مع صحابك أو أتفرج على أفلام ومسلسلات كوميدية تغير المود

في الآخر لازم تبقى عارف إن كلنا قرفانين ومش حمل عصبية فأتعامل كويس مع الناس على قد ما تقدر..