8 معلومات متعرفهاش عن فيلم Shutter Island

زي النهاردة من 12 سنة، تم عرض الفيلم الأمريكي Shutter Island واللي بيحكي عن اتنين محققين بيروحوا مستشفى نفسي في جزيرة شاتر بيتم إيداع فيها المجرمين المختلين عقليا عشان يحققوا في اختفاء مريضة.. الفيلم من بطولة ليوناردو دي كابريو ومارك رافالو ومن إخراج مارتن سكورسيزي

لو أنت شوفت الفيلم فتقدر تكمل المقال وتعرف 8 حقائق عن الفيلم ولو أنت ماشوفتهوش روح شوفوا وتعالى تاني اقرأ الموضوع:

1- في البداية، كان سكورسيزي ودي كابريو بيخططوا للبدء في فيلم The Wolf of Wall Street “اللي تم طرحه في 2013” ولكن كان في مشاكل في ميزانية الفيلم ده اللي وصلت لـ100 مليون دولار، فقرروا يأجلوا ويعملولنا عظمة زي فيلم Shutter Island

2- المخرج ديفيد فينشر كان مرشح لإخراج الفيلم وكان بيخطط لإسناد الأدوار لكلا من الممثل براد بيت ومارك والبيرج

3- هي مش معلومة عن الفيلم بس ملحوظة حلوة، في 2010 ليوناردو دي كابريو عمل فيلم Shutter Island و Inception وكلا من زوجته في الفيلمين ماتوا

4- مارك رافالو فاز بدوره في الفيلم بعد ما بعت خطاب للمخرج مارتن سكورسيزي بيعبر له فيها عن رغبته في العمل معاه

5- سكورسيزي كان مرشح في البداية كلا من الممثل روبرت داوني جونيور وجوش برولين لأداء دور تشاك أولي اللي لعبه مارك رافالو

6- بين كل الأفلام اللي تعاون فيها كلا من سكورسيزي ودي كابريو، كان فيلم Shutter Island الوحيد اللي ماترشحش لأي جائزة من جوائز الأوسكار

7- قصة الفيلم بتستند لرواية بنفس اسم الفيلم للكاتب “دنيس ليهان” واللي له رواية تانية اسمها Mystic River واللي تم تحولها لفيلم من إخراج كلينت إيستوود وبطولة كلا من شون بن وكيفين بيكون وتيم روبنز ولورانس فيشبورن.

8- اسم الفيلم في البداية كان “Ashecliffe” وده اسم المستشفى اللي في الجزيرة قبل ما يتم طرحه باسم Shutter Island

Related Articles

Back to top button